النتائج 1 إلى 2 من 2

الموضوع: مشكلتي

  1. #1
    ملكة

    بيانات المشتركة

    افتراضي مشكلتي

    السلام عليكم عندي مشكله ، الي هو زوجي انا صار لي سنة متزوجه ، زوجي من اول ماشافني طار فيني وعجبته وحبني ، ظلينا نحب بعض بأيام الخطوبة وكان يحبني بقوة يبيني كل شي له كان يزعل لو ما اكلمه او ما اقوله يجيني ونتهاوش او بالاصح نتناقش وبعدين نتكلم مع بعض ونتراضي، مرت هالفتره وتزوجنا وكنت اوعده كثير اني بهتم واني واني بحكم ان يشوف دايم اني ما اهتم فيه! بعد ماتزوجنا كان يزعل بمواضيع كثيره واغلب هوشاتنا عليها ( ترتيب الشقة ، الاهتمام فيه ، الجماع ، اللبس ) كنت احس ان مهما اسوي يظل يقول ماتهتمين ماتسوين ، ليه ماترتبين كنت ازعل واتضايق وبعدها نتكلم ونتراضى ، كان اذا زعل يقول روحي بيت اهلي ، وما اروح ، بعدها تناقشنا بهالموضوع وتكلمنا وقلت له هدا الشي غلط احنا مو بزارين عشان بكل هوشه اروح لأهلي ومستحيل اروح ، المهم كتب ربي وحملت ومع الحمل ولخبطة الهرمونات نفسيتي زفت واحسه زاد علي صرنا نتهاوش ونرجع نتراضى !! بعدها ولدت وتهاوشنا على موضوع سخيف جداً والمفروض وقتها قدر اني تعبانه ولسى توني والد! المهم انه عصب وراح كلم ابوي :) وخذت بخاطري كثييير ، وحنا متواعدين ان ولا مشكله تطلع لاهلي او اهله وهو خلف الوعد والمشكله يشوف ان الي سواه صح! وقال انتي كثير خلفتي وعودك وانا خلفت هالوعد وسامحيني وكذا وتراضينا ، والحين تهاوشنا ثانيه على موضوع سخيف برضو :). وحلف ان مايكلمني وقلت له احنا مش بزارين ! وكنت ارد عليه وارفع صوتي لاني فعلاً عصبت وهذي اول مره ارد عليه باسلوب مثل كذا قال طلع لك لسان؟ قلت اذا تكلمت ماعجبك وذا سكت ماعجبك ونزلت من السيارة وشفته مبلكني من الواتس! انا بموت من الضيقه ماعرف ليه يزعل على اشياء سخيفه ويشوفني مقصره دايم ، اقدر انه يحبني ويبي مني كل شي بس مو كذا احس حياتنا وصلت لطريق مسدود فعليا هالمره افكر بالانفصال بس اني احبه اخاف ما اتجاوز حبه بصيح من ضيقة الصدر ! ليه يصير لي كذا انا تعبت شككني بنفسي تعبني نفسياً هو يحبني ويموت فيني ويزعل ويتضايق لما يصير بينا شي مابي اضايقه بس احس خلاص تعببت والله تعبت😭

  2. #2
    الطاقم الاستشاري لموقع الدكتورة ناعمة

    بيانات المشتركة

    افتراضي

    غاليتي ... في الحقيقة علاقتكم فيها نوع من الانسجام لكن أختلط بها العناد لذلك لابد أن تكوني دائماً صريحة معه وأخبريه فوراً بما تفضلينه أو بما ترغبين .
    أفهمي طباع شريكك وإلا ستقعين في دوامة المشاكل الزوجية التي لا تنتهي، وانتِ فيها الأن فالشراكة الزوجية تبنى على أساس تعامل الأزواج مع بعضهم فاحرصي على معاملته كما تمليه طباعه عليك فتكسبين زواجاً مثمراً وناجحاً. لا تخلو الزيجات طبعاً من المشاكل ولكن المشاكل السطحية سرعان ما تحل أما العميقة فتولد صعوبات وحواجز، لذلك وإن كان شريكك من ذوي الطباع الحساسة فإليكِ بعض النصائح كي تتجنبي في المستقبل أي خلاف حاد وهي كالتالي :
    أتركي العناد كوني معه ليناً , وخاطبي قلبه الذي يتعامل على استقبال وترجمة العواطف قبل ان تخاطبي عقله مهما كان عمره ,وإن استصعبت الأمور ودخلت الى الأمور الجدية فلا بد أن تغير اتجاه تعاملك معه فالعنف لا يولد معه الا العنف والتجريح والإساءة .
    ثانياً : أستخدمي كل العواطف التي تقنعه في الحديث. وتجنبي أن تجرحي كرامته أو وجوده , فالزوج الحساس مشاعره مرهفة ويحتاج من تفهمه فعليكي أن تقدري هذه الصفة الجميلة التي يتحلى و لا تجرح مشاعرة.
    ثالثاً : إستعملي أسلوب المراسلة معه ، بحيث تكتبين ملاحظاتك على تصرفاته الخاطئة بأسلوب مهذب تستهلينه باحترامه وتقديره ،وتختمينه بمثل ذلك ،وتطلبين منه أن يكتب لك ما في خاطره تجاه تصرفاتك وتجاه سلوكياته معك ، فهذا أفضل له ولك من المواجهة التي قد تثير غضبه وتمنعه من الاعتذار أو التراجع....
    وأخيراً حبيتي كي تفهمي شخصية شريكك أنصحك بالاشتراك في دورة( بوصلة ناعمة لقراءة الشخصية )لــ د. ناعمة أون لاين على الرابط https://www.drna3ma.com/vb/showthread.php?t=363806... وأيضاً دورة الجاذبية والجمال https://www.drna3ma.com/vb/showthread.php?t=363760... فهي ستساعدك كثيرة لبداية جديدة وقوية .


سياسة الإسترجاع - الشروط والأحكام - بيان الخصوصية - من نحن - إتصل بنا