النتائج 1 إلى 2 من 2

الموضوع: الموضوع يتعلق بالاسره والعاطفه

  1. #1
    ملكة

    بيانات المشتركة

    افتراضي الموضوع يتعلق بالاسره والعاطفه

    الموضوع من بنت جيرانا حنا ناس بالخليج ومحافظين مره
    يعني لارسايل ولامكالمات
    المهم حنا نزورهم وهم يزورونا ومع الايام صرنا عسل وسمن
    المهم انا احيانا اسولف عن خواني وطقطق وهي بالمثل
    بس البنت كانت دايم الاحظ عليها تسال عن واحد من خواني بشكل ملحح بس ماكنت اهتم
    فجاءه سافرنا ودقت علي قالت سلام شخبارك عندي موضوع ابي احكيه لك وابي منك وعد والخ محد يدري قلت ابد ابشري قالت مره طلبني اخي اجيب رقم اخوك فلان لان جواله جديد ودقيت بالغلط ورد وصار يدق علي حتى ازعجني وخفت ورديت وقلت انا فلانه اخت فلان وصار بيني وبين اخيك فلان رسايل ومكالمات وحبينا بعض وصارلنا شهرين مع بعض وقال انه يباني ويتمناني ويتمنى تجبون طاريي المهم انا انصدمت اولاً لاني ماعمر اخي سال عنها ولانه يبي وحده وبنفس الوقت مابي لها الاذيه وقالت انهينا الموضوع بينا من اسبوع وقلت له اذا تباني تدل البيت المهم انا كنت ساكته ماادري هذا صدق او كذب وخفت اخي يسوي كذا ويظلمها وبنفس الوقت ماصدقت اخي يسوي كذا وبنت جيرانا لاني اعرفه
    استرجعت الذاكره وصرت اربط الاحداث مره وحنا قاعدين جات اختي الي تنقل معها وقالت لاخوي فلانه تقول ان اخيها يباك تدق عليه اخي ردك فعلها تنرفز وبنفس الوقت اخيها كان صغير ومو من اخويا اخوي واذا جد ليش ماطلب الا رقم هذا مع ان علاقته بثاني اقوى وهي قالت من شهرين واختي يوم قالت له وحنا قاعدين من اسبوعين مابي اظلم احد لكن محتاره معاد اعرف وبنفس الوقت مره كانت اختي تبي تداوم معها وجت لاختي بيتنا وقالت تعالي يلا انقل قالت يلا مشينا قالت بنت جيرانا لحظة ابي دورة المياه اختي قالت روحي دورة مياتنا قدامك المجلس واخوي فيه قالت عادي بروح هنا لانه اقرب نرجع للوقت الحالي كلمتني بعدها بيوم قالت قلتي لاخوك قلت لا قالت امبلا مع اني ماقلت لاحد لانوي اخاف الله وماحب الحكي وعاهدتها بعدها قالت وصلي لاخوك كذا ان يستغفر ع دعاوي الي دعاها علي والله بياخذ حقي منه وانه كذاب ويشبه زوجي الاول ومن هالكلام معاد حبيت اسمع صوتها ولااسولف معها ومحتاره هي صادقه اوهي نشبت له حتى صار يكلمها مع اني ماظن اخوي يسوي كذا لانه يحب وحده ويبيها واذا جاء طاري اسمها يتنرفز
    انا محتاره اساله او لا ابي حل ي الغاليه انا ممتنه لله اني عرفتك كنت اتصفح اكسبلورر ولقيت اسمك وتاكدت انك رساله من ربنا

  2. #2
    الطاقم الاستشاري لموقع الدكتورة ناعمة

    بيانات المشتركة

    افتراضي

    عزيزتي ...
    من خلال سردك للمشكلة فالموضوع سهل جداً ما عليكي إلا أن تفتحي باب الحوار مع أخوك وحاولي أن تسمعي منه بعقلك لا بقلبك أفهميه وأفهمي ما يفكر فيه أعطيه الأمان كي يحظى بفرصة الفضفضة والبوح بما في نفسه لك فأن شعر بالأمان سوف يقول لك كل شيء وبذلك تكوني قد سمعتي منه كطرف أخر وأياً كانت النتيجة فستعرفين الحقيقة أن كانت جارتكم كاذبة حاولي يأن توقفيها عند حدها وأن كانت صادقة حاولي أن تحلي الموضوع مع أخوك وأقناعه بأن ما يفعله لا يناسبكم ولا يتوافق مع عاداتكم وتقاليدكم .
    أخيراً غاليتي ..
    أنتِ تحتاجين إلى أن تنمي قدرات في فهم الشخصيات وكيفية التعامل معها لذلك أنصحك حبيتي كي تفهمي شخصيات من حولك ويسهل التعامل معه بالاشتراك في دورة( بوصلة ناعمة لقراءة الشخصية )لــ د. ناعمة أون لاين على الرابط https://www.drna3ma.com/vb/showthread.php?t=363806...


سياسة الإسترجاع - الشروط والأحكام - بيان الخصوصية - من نحن - إتصل بنا