النتائج 1 إلى 2 من 2

الموضوع: حيرة امري وكرمكم يمنحني الرشد

  1. #1
    ملكة

    بيانات المشتركة

    افتراضي حيرة امري وكرمكم يمنحني الرشد

    ‏انا عمري 27سنةغير متزوجة وغير موظفة ‏ من عمري 12بدأت معاناتي مع امي الى اليوم والله العظيم اني من ذاك السن انها زعلت مني لمدة اسبوع كامل تخيلي طفلة في عمر الزهور شافتني طفشت مرةوبدأت تكلمني قالت اصلا ماكلمتك الا ماأبغى تجيك حالة نفسية مثل ابوك واجلس ارعاكم وتتعبوني ‏لما انا بالكلية راحوا هي واخوي السوق قلت حطوا لي مناكير وحطوا لي ولما جوا مدري وش تهاوشت انا واخوي عليه قالت ليش تسوين كذا واحنا اشترينا لك مناكير☹والله انك ماتستاهلين وووو قلت بيني انا واخوي انت لاتتدخلين قالت ليش تقولين كذا وليش وليش طيب يعني الانسان مايعصب ماعنده مزاج متقلب يعصب يبكي يضحك وووالى مالا نهاية ونقعد متزاعلين اسبوع مدري أسبوعين او اكثر تخيلي وبعدها راسلتها واتس وتحرمني ع نفسها وقالت تراك اكبر عدوة لي في الدنيا ولاأنتِ بنتي ولاأنا أمك 🙃وتزيد المدة وها ويلا وبعدها كلمتها عادي. ‏وتخرجت من الكلية وجلست في البيت وكلمت ولد خالتي يشتغل بالجامعة يدور لي وظيفة لما جت منه رفضتها بحكم اني ماأبغى أي أحد يتمنن عليه وبيجلسون يتكلون الناس لو مافلان ماكانت توظفت لو مافلان كانت جالسة في البيت الى ذلحين والله وتمر الايام ونروح نتغدا في مطعم واطلب طلبي وكل واحد طلب اللي يبغى ولما جت عند طلباتي قالت لي جلستي في حلوقنا لاأنتي اللي طلعتي ولا أنتي اللي نزلتي نزلتي طيب والرزق من الله انا وش ذنبي ‏والله وتتخرج اختي وتطلب منها تفتح لها مشروع حضانة وتفتح لها وبدأت معهم من الصفر أفنيت جهدي كله في رضاها وعشان تكبر اختي والله وتمر الايام وانا ياغافل لك الله ويجي مامتي اتصال من احد أقاربنا يبغى يحط اطفاله بالحضانة ونزلي لهم السعر مامتي مرررررررة طبعا انا عصبت قلت الناس كلهم سوا والله مايجلس بذا السعر مادريت انها تبغاهم يجون وبس وتلفظي عليه ذاك الليلة بكلام الله لايوريك ولايطعمك إياه وش دخلك انتِ وش دخلك وتكرررها وتكررها اصلا الحضانة لي ماهي لك ولالوجهك هنا تبلدت انصدمت وأرمي المفاتيح في وجهها قلت دوري غيري. ‏والله وتتخرج اختي وتطلب منها تفتح لها مشروع حضانة وتفتح لها وبدأت معهم من الصفر أفنيت جهدي كله في رضاها وعشان تكبر اختي والله وتمر الايام وانا ياغافل لك الله ويجي مامتي اتصال من احد أقاربنا يبغى يحط اطفاله بالحضانة ونزلي لهم السعر مامتي مرررررررة طبعا انا عصبت قلت الناس كلهم سوا والله مايجلس بذا السعر مادريت انها تبغاهم يجون وبس وتلفظي عليه ذاك الليلة بكلام الله لايوريك ولايطعمك إياه وش دخلك انتِ وش دخلك وتكرررها وتكررها اصلا الحضانة لي ماهي لك ولالوجهك هنا تبلدت انصدمت وأرمي المفاتيح في وجهها قلت دوري غيري ‏وبالنسبة لكلمتها اللي جرحت قلبي صدق صدق 💔💔💔اني ماأحب لها الخير ولاأبغى يكون لها شي هنا هي اتهمتني بشي فعلا ماهو فيني وانصدمت كثير اللي ابغى أقوله انها الآن هي وحدها في المشروع وابغى اوجهها وانبهها ع بعض الأشياء واذا تذكرت انها ماتستاهل اهون وأفكر كثير 💔💔💔💔💔😩ليش اني اعطيها اهتمام وفِي تفكيرها اكيد اني رجعت لها وإني ندمانة وتنازلت وانا اكرهها بقوة حتى صرت انسى منها وماأعتبرها أخت خلاص وفِي نفس الوقت أفكر أقول ماأبغى ربي يسلط عليه ولاأبغى أي أحد يكون كاتم ذا الشعور فيه لي واللي عنده خير لي يقدمه سواء من نصيحة او حكمة او إقتراح أياً كان فأحب ذا الشي يكون لي فكيف اني ماأرضاه لأي شخص كان💔. ‏والمواقف كثير وتجرح لو اجلس من ذلحين الى بكرة ماأخلص يعني صراحة انا إنسانة حساسة كثير وأفضل كرامتي فوق اي كرامة ولاأبغى احد يمسني بشي يعني تعرفين نفسي وعزيزة عليه. ‏بعد ذا المشكلة امي زاعلتني وجلست أسبوعين تخيلي مثل اللي ضربني وبكى سبقني واشتكى ووقفي في صف اختي ضدي وتقول ماقالت لش شي وانا اشوف انه عادي 😌💔طيب وشعوري وقلبي وين راحت تستهزئ فيني ليه وتستخف فيني ليه وبعدها قالت لعد تقولين ماما وشوفك تحرمني طيب والحل 😑انا بنت مين 😕😩ويجي اخوي بعد أسبوعين ونتصافى وانا ابكي وهي تبكي وخلاص اعتذرت مع ان مدري ليه بس كذا يلا اجر عند الله ‏والله العظيم ان ياأختي السخيفة الله يكرمك ويجير وجهك انها ماتحترم ابوي وامي لكن السخرة من الله تجرحهم كذا من الباب للطاقة وتعطيهم في الوجه تخيلي حتى لدرجة ان ابوي كبير في السن وعاجز عن العمل تقول ايوة اصلك ماتبغى شغل☹يعني انك انت اللي عندك شغل وقاعدة تشتغلين يعني سبحان الله الغرور دخل نفسها كثير الله يكفينا ووالله ياذلحين امي انها ماتساعدها في شغل البيت تعاند فيها ليه وامي معطيتنها كل الجو ومكبرة حجمها وماكأنها سوت شي طيب واللي تأكلها انا يلا مافيها شي وعادي واجر بس ليش امي مضحية فيني ع اساس راحتها الحقيرة ليش ماتبغى تتعبها وتتعبني انا ليش ترضى فيني ولاترضى في اخواني كلهم وانا اللي اكل تبن المهم لما شفتها كذا قلت هذي ماتضمنينها ع امها وأبوها فما بالك فيني انا قلت اقول خليني أفك نفسي منها وطنشتها ومعد اعتبرتها شي وأكرهها صراحة وخلاص معد تهمني المشكلة ماهي هنا المشكلة ان امي تقول ليش ماتعطين اختك وجه طيب انا معد تهمني خلاص قلبي تقفل منها وش اسوي.

    ‏طيب انا كنت اعطيها وجه كبرتها عن حجمها وهي ماتستاهل ولايهمها احد ومستحيل تضحي عشانك مستحيل تخدمك وماما نفس تعاملها وأسلوبها الخياس معي ولاتشوف لي اي خير وياويلش اشوف منك حاجة تستفزني وإخوانك احترميهم مع اني انا الكبيرة المفروض ان لي الجو كله بس للأسف طيب ليه ماتعلمينهم يحترموني ويقدروني لا انت ماتستاهلي طيب انا وش سويت

    ‏صح تكلمت سولفت ضحكت عشان ارضي مامتي بس للأسف ماشفت من مامتي اي شعور اتجاهي حتى لدرجة انها مشجعة اخوتي كلهم عليه وحاطه في بالهم اني انا الحقودة واللي قلبي اسود والله لو يطلع مني ايش لو كان بقصد او بدون قصد انها تخليها قبه وتقعد تتهرج بي ع أهل البيت كلهم وتوريهم اني ذاك الخبيثة ومدري ايش وايش وتحط فيني اللي ماهو فيني وتقول ماتعطينا وجه ولاتقعدين معنا و ع أتفه الأسباب تقول حسبي الله ونعم الوكيل والله اني استغرب انها بيدنا نتقابل عند ربي بسبب ذا السبب التافه

    ‏والآن تقول ليش ماتقولين لفاطمة انش بتروحين المكان الفلاني ولاتكلمينها وهاجرتنها طيب انا نسيتها خلاص ماأبغاها طلعت من قلبي غصب يعني اللي قهرني ان كلهم في صفها وأنها الحنونة الضعيفة المسكينة اللي ناأدري ايش اللي ابغى أقوله انها سياسية يعني ياحسرة ع روحي والله لو يصير بيننا ايش ماأروح اشكي فيها عليهم واسكت ع بالي اني ذاك المحترمة وحافظة بيننا العشرة والقرابة لكن للأسف فعشان كذا هم في بالهم اني انا المتبلية عليها

    ‏وتهاوشت انا ومامتي تهاوشنا لما قلت لها ترى التصنع والمجاملة والكذاب شبعت منها قالت انا كاذبة والله اتحسب عليهم كلهم تخيلي😌قلت حسبي الله ونعم الوكيل فيكم كلكم يعني صراحة شي يقهر كل ماجا في بالي اني انا الحلوة وأضحي اخدم واسوي كل شي وفِي النهايةماينشاف لي شي واتفلي في وجهي والى الان ماأكلمها ولاتكلمني صراحة تعبت معهم

    ‏ولو أعدد المواقف ياكثرها طبعا بشكل يومي ماتقومين الى الصياح والهواش طيب والانس اللي ساكنين في البيت مالهم مشاعر تحترم ولاضمير يحس حتى اكثر المواقف تقول بعدها والله يايوم ولادتك اني تعبت تعب انهم زاروني من كل مكان وطلعتي انت الخايسة طيب وش اسوي ماعنتيني ع برك طيب وانا وش ذنبي الله كتب عليك ذا التعب ماهو من كيفي قلت لك أتعبي وكثير قصص اقرأها انهم بعض الحريم مايحبون فلذة أكبادهم لأنهم تعبوا عليهم طيب انا كبيرة وعاقلة وفاهمة المفروض اني ماأتعاقب لابعنوستي ولابعطالتي😑💔💔

    ‏ابغى الحل الله يجزاك الجنة

  2. #2
    الطاقم الاستشاري لموقع الدكتورة ناعمة

    بيانات المشتركة

    افتراضي

    غاليتي ...
    حقيقة أن اسلوب تعامل والدتك واختك ومامررتي به من مواقف سلبية معهما.
    فلقد التمس ت منك جانباً رائع تجاه والدتك وتصرفك الحكيم معها رغم مواقفها ضدك.
    وكما ذكرتي تلك المواقف ومعامله القاسية وكلمات الجارحة، استمري بلين المعامله وتودد لها فدلك يعبر عن برك لها رغم كل شي.
    فطبيعي شعورك بلسلبية تجاه ماتقوم به لان النفس البشرية تحب الاهتمام المتبادل وهذا مالاتجديه فيها.
    وهنا احب ان اشير اليك هل تستتطيعي تخلي عنها؟هل يمكنك تبديله ؟من طبيعي هو لا ولهذا لان هناك قرارات لا نملك حق تغيرها وقد،يكون تغييرك لها صعباً لكن ليس مستحيل.
    وتكمن صعوبته في انها تلقت اسلوب تربيه منذ نعومه اظافرها من اسرتها على نحو هذا وقد يكون لديها ميول تتصف بقسوه.
    فاسلوب والدتك في التعامل يشمل المكتسب الدي تربت عليه والفطري الذي،يتضمن شخصيتها.
    وقد تكون تحاول تخلص من ذلك ولكن لاتستطيع.
    وهنا اشير اليك اصبري على اذاها ولا يتجعلك قسوتها تجعلك تعامليها بمثل ، اخبريها في حاله هدواء انك متنزعجه مما تنصنعه معك ولا تستسلمي لمجرد رفضها حديث .
    *كما يظهر عليك الحساسية من المواقف ولهذا لا تاخذي كل ماتقوله على محمل الجد وتحكمي بردود فعلك في اي موقف .
    *كما اظهرتي تخوفك من دعاءها عليك وهنا احب ان واضح لك ان دعاءها لن يضرك مادمتي مظلومه ولا تعقيها .
    *عليك التفكير في ايجاد فرصه عمل فخروجك من المنزل والعمل سيلغي الكثير من حاله النزاع التي بينكما ستجدين بعض من الاستقرار بعيداً عن محيط الاسره والمنزل
    وهنا اقترح عليك الانضمام لدوره اليوم فلتبداء الحياه عبر موقع الدكتوره ناعمة اون لاين

    https://www.drna3ma.com/vb/showthread.php?t=190443

    مع تمنياتي لك بالاستقرار دائماً


سياسة الإسترجاع - الشروط والأحكام - بيان الخصوصية - من نحن - إتصل بنا