النتائج 1 إلى 2 من 2

الموضوع: الله يسعدكً ي ناعمه ابي حل وربي نفسيتي تعبت

  1. #1
    ملكة

    بيانات المشتركة

    افتراضي الله يسعدكً ي ناعمه ابي حل وربي نفسيتي تعبت

    السلام عليكم ورحمه الله وبركاته
    استاذه ناعمه انا متزوجه ولي طفلين ومتزوجة من أربع سنوات بس ايش احكي لك نفسيتي تعبانه مدري ايش اقول
    اول شي انا ساكنهً بمنطقه غير عن منطقه اهلي بحكم عمل زوجي المهم من بدايه زواجنا زوجي يحجز لي ويرسلني عند اهلي وأجلس عندهم بالشهرين بالثلاث بعدها تطورت الحاله من اول طفل اجلسً بالست شهور بالسنه يعني مااجلس بشقتي الا شهر أو اقل ويحجز وينزلني والناس تتكلم وانا نفسيتي تعبتً يقول احسن لك من الغربه تكوني عند اهلك طيب انا ابي بيتي ماارتاح الا فيه وغير كيذا بعد الطفل الثاني رحت معه وجلست أربع شهور بعدها قال برجعكم معي وبعدها رجع لوحدة ومراجعنا معه وغير كيذا من اول طفل لي الام تتحكم فيه ع كل صغيرة وكبيرة واذا شافت احمرار بالمنطقه تبدا انت مهمله وانت وانت وغير كيذا توصل الكلام لولدها بس اذا كأن عندهم وصار احمرار عادي بس انا المهمله بكل صغيرة وكبيرة تدخل فيها مع معاملتي معهم أعاملهم بحب واحترام كانهم اهلي اذا جاتني بشقتي تدخل تفتح وتفتش المطبخ انت مهمله انت انت واذا قلت فلان تقول انت وانت وانت وماتحب الغلط ع ولدها اول ماجاو كنت ابي اجهز الغداء قالت انت غسلي بس انا بعلم بنتي اسوي الغدا حاولت قالت قطعي السلطه قطعت السلطه قامت تهاوش احد يحط الطماط مع السلط سكت بعد ماراحو كلمت ولدها وقالت زوجتك وزوجتك شف استقبالها لنا الخ مهما يسون ماتكلم تفتش مطبخي وساكته تتكلم ساكته مابي مشاكل نقلت شقه ثانيه وجوني بعدها قبل مايجون اقول لولدها بشتري حلى يقول ماعندي ماعنديً بس قهوة وتمر كفايه ولما سوا عشاء قلت بيجون حريم اخوياك راح جاب حلا وشوكولا الام تضايقت لما درت ان ولدها جاب وليه الخ الفطور اليوم الثاني جهزته وقامت تتكلم حتى الفطور ماتعرفين تسوين الأجبان انواع والعسل والشاي والحليب والقهوة وبيض بالبريد بالحماصه وملاعق وكيس بريد كاملً مع ذالك الفطور ماعجبها وماغير تتكلم الغداء التهيت مع طفلي الرضيع يشوفونه يبكي ومخلينه ومهتمين بالكبير لان سمي ابو زوجي المهم رحت أرضعه خلصت جيت ابي اسوي قالت خلاص تو الناس انت حطي الرز بماي ومغلي وكل كلمه والثانيه روحي شيكي وشيكة بعدها كل ماتكلم مع ولدي تجي لاتتكلمين معه بهالطريقه وتقول ك لولدها بعد ماراحو كلمت وولدها بعد يومين زوجتك ماتعرف تستقبل ومرتك ماتهتم فينا والبيت وصخ وهدا وجبت لها شغاله ويشهد علي انً البيتً نظيف اناً إنسانه تعبتً والحين ماخليتي عند اهلي قلت ليه قال احسن لهم امان لهم قلت ابيً بيتي قال انسي انك تجين قلت شسويت قال ماتهتمين بعيالي والبيت وسخ ويشهد اللهً ان مايشوفهم ألا ملابس مرتبه واكل ونظافه والبيت نظيف وكل مرا ادخل انظف المجلس يهددني بالطلاق ابي ارجع بيتي وهو يسمع كلام امه ويقول هي زعلانهً عليكً روحيً راضيها تجي البيتً وماتقومين بالواجب رحت لها واعتذرت قالتً هذا استقبال حتى زوجكً ماتهتمينً فيه سكت من الظلم والقهرً ماعرفت اتكلمً عطياها هديه عبارةً عمر عطر وقماش جلابيهً واعتذرت وطلعت قولي ايشً اسوي نفسيتيً تعبت ابي بيتي
    تكمله
    مع ذلك بدايه زواجي كنت اشوف مسجات بأرقام بدون اسم من بنات عبارات حب وشوق وطنشت وثاني سنه من زواجي اكتشفت يسولف مع وحدة بالانستا وواجهته واعتذر وقال هي الي جات وماحبيت مارد عليها ويعيد ويزيد انه غلطان وعلاقاته بالخارج بالغلط ارسل سنابه نمت بالمستشفى يومين من هول الصدمه وهو بالمواجهة بالبدايه مو خايف روحي قولي مو خايف بعدها صار يتأسف ويحلف انه مايدريً الخ لانه يعالج اسنانه برى للعلم صلاة مايصلي ولاصوم وانا جالسه معه عشان عيالي ابي حل ابي ارجع لبيتي واستقر مع انه مايقصر معي بالفلوس بس اذا امه كلمته يقطع عني المصروف ولاتعرف شسوي واذا قلت محتاجه شفر سافريًً مع اهلك لو انك مثلا اختك كأن سفرتك عيالها نظاف قلت حتى عيالي بس مايشوف هالشي لانه امه معبيه راسه

  2. #2
    الطاقم الاستشاري لموقع الدكتورة ناعمة

    بيانات المشتركة

    افتراضي

    وعليكم السلام ...

    مرحباً بك عزيزتي .. ونشكر تواصلك وثقتك بنا ..
    إن ترك زوجك لك بالشهور في منزل اهلك من الأمور المزعجة لك وتودين معرفة السبب في ذلك وكيفيه إقناع زوجك بوجهة نظرك المتمثله في الجلوس لأطول وقت في منزلك والذهاب للأهل للزيارة فقط.

    *عليك إقناعه بنوع من الحب والدلال والدلع فلكل امرأه أسلوب خاص لإقناع زوجها ولا تلجئي لأحد من أقربائك لإقناعه برأيك لأنه قد لا يقتنع منك بشيء بعدها.

    * تجنبي النقاش أمام الأهل أوالأولاد أو الإصدقاء لإرغامه على الموافقه إحراجاً منهم فأنتما محتاجان للحوار والتفاهم ليفهم زوجك أنك ترغبين بأمر ما ولست ترغبين في مخالفته ،مع أهمية إختيار الوقت والمكان المناسبين واحتويه بحنانك ومشاعرك ولطفك بعد التدرج في المصالحه وتقريب وجهات النظر.

    *تعودي على اسلوب الديمقراطيه في النقاش و لا تلجئي الى الغضب في سبيل تحقيق طلبك وافهميه بحاجتك للجلوس بمنزلك وأنها لمصلحته كونه أهم شخص في عالمك وأهم شيء ولا تؤثرين أي شخص عليه مطلقاً وأجعليه هو شخصياً يرغب بما تريدين وما ترغبين به.

    **بالنسبه لتعاملك مع الحماه المتسلطه عليك بالمعامله الحسنه لها وان تكوني طيبه و أكثر لطفاً وتعاملي بحب وود معها.

    -احرصي على أن تقدمي لها الهدايا في المناسبات فهذا سيعمل على إسعادها وأهتمي بها واسألي بإستمرار عن صحتها وتحدثي معها بود و بأسلوب راقي واجعلي كلامك معها جميل و لطيف و ابتعدي عن معاندتها ولا تقومي بمجادلتها في معظم الأمور.

    -يمكنك الرد على اسألتها الفضوليه بطريقه أكثر دبلوماسيه وبهدوء تام.

    -حاولي أن تحبي حماتك حتى لو كنت تكرهين تصرفاتها واطلبي إستشارتها في أي موضوع بسيط لأخذ نصيحتها و ذوقها في ذلك.

    -أحتفظي بمساحه لقدراتك الخاصه لأن هذا يسبب لها الرضا وكوني ذكيه لأقصى درجه و لا تتحدثين معها إلا بعد التفكير بشكل عقلاني ولا تقومي بمعارضتها في اي شيء ولكن أقبلي بكلامها واجعلي بينك وبين زوجك إختيار القرار المناسب وفقاً لوجهة نظركم والذي يكون صالحاً لحياتكما الزوجيه بعيداً عن انظارها.

    -وبتطبيقك لما سبق ذكره بشئ من الصبر ستتمتعين يا عزيزتي الزوجه بحياة اسرية سعيدة وناجحه.

    *فيما يتعلق بموضوع خيانته لك عليك ان تعرفي السبب الحقيقي وراء خيانته حتى تعملي على إصلاح الأخطاء التي حدثت بينكما لكي تضمني عدم تكرارها مره أخرى خاصة وأن زوجك قد أبدى ندمه واعتذر لك.

    -اجلسي معه وتناقشا بكل صراحه حتى ينتهي الجدل الذي يدور في ذهنك و تبدئين بصفحة جديده معه.

    غاليتي ... امنحي نفسك وقتاً للتفكير في تخطيط جديد لطريقة وأسلوب حياتك و لاتعتمدي على زوجك في اسعادك طوال الوقت واعلمي أن سعادتك لا تتوقف على شخص بذاته ولن تنتهي بموقف حدث بينكما ومهما حدث احتفظي بإهتماماتك وأضيفي لها زوج تعيشي معه ولكن لا تعيشي له.

    اتمنى لك حياه سعيده🌹

    وأنصحك بالإلتحاق بدورة ملكة الليل 2019، للدكتورة ناعمة على الرابط https://www.drna3ma.com/vb/showthread.php?t=389551

    وكذلك دورة حوار الكناري/ للدكتورة ناعمة/ أون لاين على الرابط https://www.drna3ma.com/vb/showthread.php?t=383527

    ودمتي بألف خير


سياسة الإسترجاع - الشروط والأحكام - بيان الخصوصية - من نحن - إتصل بنا