النتائج 1 إلى 2 من 2

الموضوع: كسر حاجز الحب المذل

  1. #1
    ملكة

    بيانات المشتركة

    Icon28 كسر حاجز الحب المذل

    السلام عليكم دكتوره ناعمه.. انا مشكلتي مع زوجي اني عصيت ابوي وامي عشانه من بداية زواجي وتخليت عن مستقبلي.. كان زواجي تقليدي.. وحبيته وحبيت اكون ربة بيت اسعده ولا اخليه يحتاج شي .. المهم مرت الحين 20 سنه على زواجنا وعشت فيها حلو الايام ومرها.. وعندي اولاد اكبرهم عمره18سنه .. والحمدلله محافظه على شكلي وجسمي بشهادة زوجي وكل اللي حولي .. كان زوجي دايم يقول لعيالي احمدوا ربكم ان هاذي امكم وانها جامعيه وتدرسكم ومهتمه فيكم(لان امه مو خليجيه وماكانت تهتم فيهم وكان حاس بالضياع هو واخوانه ..كان منصدم من اسلوب امي معانا واهتمامها فينا واتصالاتها تتفقدنا) ..المهم كان عنده مكتب سيارات من 5سنين واشتغل صح وكنت واقفه معاه وكنت المسئوله عن الحسابات والمعاشات ..وكان يحرص على كل ربح يجيه يونسنا فيه اما بسفره عائليه والا يشتريلي شي والا يودينا للسوق ويقول اشتروا اللي بخاطركم (انا وعيالي) وماكان ينسا امه ماشالله...بعدها تعب نفسياً من الشغل وحسيت عين ماصلت عالنبي فقرر يبيع المكتب من 4 شهور .. وكان يقولي ويقول لودي الكبير انه راح يجدد شقتنا(انا ساكنه مع اهله بشقه)ويشتري لولدي سياره بمناسبة تخرجه من الثانويه ..ووعدنا بالسفره الطويله اللي مدتها شهر مع عيالنا لان صارلنا 3سنين ماسافرنا.. وكنا ننطر الفلوس على احر من الجمر .. واستلم فلوسه وانقلبت احوالنا😔العيال يقولون له بنسافر؟يقول لا ماعندي شي..ولدي يقوله وين السياره اللي وعدتني فيها؟يقول ماعندي شي.. قلت له متى تسوي الشقه قال ماعندي شي..نزلت لامه(علاقتي زينه معاها الحمدلله)وكلمتها على سالفة الشقه وكلمته وجاني وقال راح اسوي الشقه بس بتصميمي😑طبعا التصميم مبين للتطفيش ..زاد الكلام بينا وشد ومد ..زعلت..ثاني يوم دريت انه مسلف اخوه عشان يسافر هو وزوجته وعيالي وهم عيالي دروا ودقيت عليه وقلت له (منو الاولى بالفلوس والسفر؟مو حنا قال فلوسي وكيفي)وجا بالليل ولا كلمته ولا شي ويكلمني مارديت عليه.. مر اسبوع لايكلمني ولا اكلمه.. جا يوم الخميس ورحت زيارتي لاهلي ونمت عندهم الجمعه.. يوم الجمعه طرشلي مسج انه طلقني بس ماعطاني ورقة..وتفاجأت وطرشت المسج لاخواني الكبار وقالولي خليج بالبيت عند امي لمدة اسبوع وبعدين نشوف مشكلته..الحين هو مخلي عيالي الثلاث الكبار عنده والثلاث الصغار عندي...المشكله الاولى اننا مو بنفس المنطقه..والحين ماقدر اودي عيالي الصغار مدارسهم فخذيت لهم اجازه طبيه لمدة اسبوع عشان اعرف وضعي..واللي عرفته انه راح يسافر اسبوع راحه واستجمام وراح يخلي عيالي بالبيت مع جدتهم وعمانهم المتزوجين .. وانا الحين ابي اعطيه درس..لان هو متوقع انه يسافر ويستانس ولما يرجع يقول لودي خلها ترجع للبيت😠وانا ابي اعطيه درس على هالكلمه اللي قالها انتي طالق)....

  2. #2
    الطاقم الاستشاري لموقع الدكتورة ناعمة

    بيانات المشتركة

    افتراضي

    وعليكم السلام ...

    مرحباً بك عزيزتي .. ونشكر تواصلك وثقتك بنا ... ان الزوجه الذكيه هي التي تستطيع ان تتعامل مع زوجها بمهاره وفن وكلنا نعلم انه لا يوجد هناك زوج يتصف بالكمال و لابد من وجود عيوب في شخصية الزوج ولذا يجب عليك مراعاة ذلك عند التعامل معه.

    * يبدو ان زوجك من النوع العنيد الذي لا يعرف طريقاً للمرونه ولايميل لتغيير ارائه وافكاره بسهوله و يتمتع بنوع من الاصرار الشديد في قراراته وافكاره و لا يقبل التنازل ابداً كما انه يرفض الاستماع الى غيره ولا يتقبل اللوم والانتقاد ويميل دوماً لاخذ قراراته بنفسه من دون استشارة زوجته و لكنك ذكرت عدداً من السمات الايجابيه في شخصية زوجك و كرمه معك ومع اولاده ايام رخائه.

    *لقد لمست فيك حرصاً واضحاً على اسعاد زوجك و على احتفاظك بعلاقه طيبه ومودة وصفاء معه و اقرارك بخصاله الحسنه طوال حياتكما الزوجيه التي مضى عليها اكثر من 20 عاماً .
    لابد من تفهمك للاسباب التي ادت به الى ذلك التصرف و تحكمه بماله كيف مايشاء من خلال منحه مساحه من الحوار واتركيه يتكلم واستمعي له بانتباه بدون اعطائه نصيحه او انتقاده و يجب ان يشعر زوجك انك تقبلينه كما هو و يجب ان يشعر دائما بحبك ليس بالكلام فقط وانما بالعمل ايضاً فالحب كفيل بأن يذيب اي احساس بالانانيه.

    *كوني هادئه واضبطي اعصابك اثناء حديثك معه و لا تبدي الرفض لجميع قراراته و انصحك ان تفكري وتجلسي مع نفسك وتتأملي كيف ينظر المجتمع للمطلقه ويتهمها دائماً بانها المذنبه والفاشله في الحفاظ على بيتها و زوجها ويعرضها ذلك الى ضغوط نفسيه لذلك يجب عليك التحدث مع زوجك عن المشكلات التي بينكما وعن وجهة نظرك في حلها وانظري الى رغبته في التغيير وقيمي محاولاتك في تحسين التواصل بينكما.

    * جربي اساليب جديده في فن التواصل معه ولا تجعلي الاخرين يتدخلون في حياتك.

    * ناقشيه بهدوء و قرارا معاً و لاتتسرعي في الحكم و الزعل ويجب ان يكون لديك النيه الصالحه لاصلاح سوء التفاهم بينكما حفاظاً على علاقتكما معا.

    غاليتي .. استخدمي روح الدعابه في حوارك معه ولا تنسى ان اللمسه الحانيه لها اثر السحر في التخلص من الانانيه و التعصب والسيطره واستخدميها دائماً مع زوجك عند حديثك معه ولكل شخص مدخل للتعامل معه ولابد انك تعرفين نقطه ضعفه بحكم العشره الطويله بينكما واعملي على تدليل طفلك الكبير لاستمرار الحب والود بينكم واحبي نفسك واهتمي بحياتك الخاصه واولادك لتشعري بالسعاده والرضى.

    اتمنى لك حياه سعيده🌹

    وأنصحك بالإلتحاق بدورة بوصلة ناعمة لقراءة الشخصية 2019 على الرابط https://www.drna3ma.com/vb/showthread.php?t=363806

    وكذلك دورة الحب إلى الأبد/ 2019 /أون لاين/ للدكتور ناعمة على الرابط https://www.drna3ma.com/vb/showthread.php?t=195866

    ودمتي بالف خير


سياسة الإسترجاع - الشروط والأحكام - بيان الخصوصية - من نحن - إتصل بنا