النتائج 1 إلى 2 من 2

الموضوع: جوزى مش بيحبنى

  1. #1
    ملكة

    بيانات المشتركة

    افتراضي جوزى مش بيحبنى

    سلام عليكم
    لو سمحتى انا اتجوزت من سنتين جواز عادى صالونات يعنى اتخطبنا 6 أيام وسافر مش لحقنا نعرف بعض بس فى الفتره دى حبيته واتعلقت به هو كان بيحب واحده قبلى قعد حوالة 6 سنين معاها واتخطبو بس أهله مش عجبهم وخلوه يسيبها واختارونى بعد كده له وفعلا وافق وخطبنى بالتدريج ابتدى يحكيلى بس كلامه انه خلاص وأنه بيبدا صفحه جديده معايا وعاوزنى أحبه واسمع كلامه وبالفعل عملت كل حاجه قالى عليها وبقيت اهتم به فوق الوصف واجى على نفسى حتى لو زعلانه واراضيه ونزل بعد سنه واتجوزنا شهرين وسافر ربنا مش رزقنا بأطفال بس هو كان حنين ورومانسى اوى وهو هنا كنت أوقات بحس أن انا طايره من فرحتى معاه سابنى وسافر بعد الجواز بشهرين بقى قليل الكلام تانى وعصبى وحاسه انه انسان تانى قولت عشان مش لحقنا نعرف بعض كويس برده وعشان اللى كانت قبلى استحملى وهو معايا فى شقتنا بيبقى كويس كان حجته لو جيت أكلمه فى حاجه رومانسيه يسكتنى كلامك بيتعبنى مش عاوز افتكر عاوز أنسى واشتغل وبس حصل ظروف وساب الشغل ونزل قعد معايا 8 شهور فى ال 8 شهور قربنا من بعض أو انا كنت مفكره كده طلعت انا اللى قربت لوحدى وانا اللى اتعلقت اكتر عيشنا حياة المتجوزين بجد شويه زعل وشويه عادى وشويه رومانسيه وحنيه لدرجة كنت بقوله حنيتك بدوبنى فى الفتره دى لفينا كتير ع الدكاترة وبرده مش حصل حمل وقررنا نعمل حقت مجهرى ساب العينه قبل ما يسافر وانا اعملها وهو مش موجود كان كويس معايا اول شهرين بعد ما سافر وعملت اول مرحله فى العمليه وتعبت جدا وكنت هموت ومش كلمتها كان خايف عليا اوى وكان بيعيط عشانى وقومت الحمدلله بخير واتعافيت بس لسه لحد الآن مش عملت الجزء التانى من العمليه عشان الحمل كان فرح اخته وطلبت منه لبس مش بخل وجابلى اكتر من اللى طلبته وكان ملهوف عليا وعاوز يقعد معايا اها نسيت قبل فرح اخته ده بحوالى 3 أسابيع دخلت على أكونت الفيس بتاعه لقيته عامل سيرش عن اللى كان بيحبها اخدتها سكرين وبعتهاله قولتله اطمنت عليها ولا لسه يا رب تكون بخير فضل حوالى أسبوعين مش يكلمنى وانا ابعتله لو نزلت أو روحت فى مكان وهو يشوف المسدج وبس لحد ما جه يوم وراح عملى لوج أوت من الفيس بتاعه ولقيته بيكلم واحده زميلته فى الشغل فاتخانقت وبعتله قالى انا مش كنت لاقى طريقه لخليكى تتكلمى بها غير كده انتى مطلعانى يخونك انا لو عاوز اعملها هعملها وقدام مش من وراكى وفضل يزعق والمفروض كنتى جيتى واتكلمتى مش تبعتيلى الصوره وتتعاملى معايا دفتر حضور وانصراف المهم طلعنى غلطانه واعتزرتله كالعاده وقفلنا الموضوع جه بعدها فرح اخته وزى ما قولتلك مش بخل عليا وادانى اللى انا عاوزاه واكتر جينا الشهر اللى بعدها اسحب الحواله اللى بيبعتهالى بيبعتلى راتب كله اخد مصروفى واعينله الباقى بأسمى انا اخدت الشهر ده مصروفى كامل وصورتله الورق والدفتر اللى سحبت وحطيت به الفلوس قالى مش كملت الفلوس ليه ومش كنتى اخدتى فلوسك كامله الشهر ده هو انتى محتاجه حاجه الشهر ده تشتريها المهم قالى ماشى وخلاص ده كان يوم اجازته قومت فتحت اللاب عشان نتكلم لأننا مش بنتكلم إلا يوم الاجازه احنا لغة الحوار بينا شبه عاديه وأقل كمان فى حاجه مهمه هنتكلم مش فى خلاص فى اليوم ده لقيته عمال يزعق على اى حاجه مره النت وحش وبيقطع مره صوت نفسى فى السماعه بيزعجه ايدى المايك مره يجيب سيرة مصروفى اللى أخدته كامل ويرجع فى الكلام مش يكمل وانا ساكته هو لما بيزعق بسكت عشان مش اغلط بكلمه وهو يزعق اكتر والموضوع يكبر فضل يقولى اصلك بارده ما تكلمينى زى ما بكلمك أصل الجواز ده مشروع فاشل اصلك لو ست وبتفهمى كنتى فهمتى وحسيتى لما جوزك يقولك كلمه زى دى قولتله طب فهمنى انا بحسبك بهزر لما بتقولها هقفلك ع الكلمه وع الهزار كمان انا مقصر معاك فى ايه صايناك ومش بقولك غير حاضر ونعم واللى انت عاوزه بعملهولك فهمنى فى ايه قالى انا مش ست عشان افهمك بس انتى لو ست بجد كنتى فهمتى فضلت قاعده اليوم ده اكتر من ساعتين هو يزعق ويغلط وانا أحاول اهاديه واقوله بس صلى ع النبى تانى يوم بعتله صباح الخير كالعاده لأن انا اللى على طول ببعت حتى لو متخانقين جه من شغله بليل شافها ومش رد عليا كان لما يعمل كده ابعتله وأفضل ارن عليه اليوم ده مش بعتله وسيبيه وتانى يوم مش بعتله برده جه بليل قالى هو انتى ناسيه انك ليكى راجل ومتجوزه تسالى عليه قولتله انت متعصب وبتزعق قولت اسكت على ما تهدى براحتك قالى ماشى خليكى ساكته كنت بره اليوم ده روحت وبعتله قولتله انت مش طايق منى كلمه وعمال تزعق يعنى هيعجبك لو رديت عليك هابقى مؤدبه ساعتها انا بسكت احتراما ليك بسمع نرفزتك وغلطك فيا وبسكت مش برود منى ده احتراما ليك ولما بتزعلنى وتغلط فيا واجيلك ده بيكون عشان باقيه عليك مش برود منى مش فتح المسدج ولا شافها تانى يوم روحت للدكتور وبعتله قبل ما انزل ولا سأل رجعتى ولا لا ولا عملتى ايه بعدها بيوم روحت لمامته وقولتله رايحه عندكو آخر النهار باعتلى قالى عملتى ايه عند الدكتور حكيتله وفضلت مستنياه لما جه من الشغل وكلمنى انا ومامته وروحت تانى يوم كان اجازته اتكلمنا وكنا قاعدين كويسين فأنا قولتله خلى فى حوار بينا يعنى حصل موقف معاك أحكيلى وانا أحكيلك والناس تقرب من بعض كده وفى وسط الكلام قولتله انا عاوزه اعرف ليه دايما بتقول الجواز مشروع فاشل قالى مش عيب فيكى انتى بنت حلال ومحترمه انا اللى قلبى اتقفل خلاص مش بقى عاوز يحب ولا يعمل حاجه وده كان هيكون نفس احساسى معاكى أو مه غيرك خلينا واقعيين اللى قبلك 6 سنين معاه عيشت فيهم كل حاجه مش عاوز أعيش تانى الحاجات دى عاوز أعيش قافل قلبى لا حب ولا رومانسيه أعيش جد وانا مش مقصر معاكى اللى بتحتاجيه بتلاقيه إنما حب وكلام ده انا خلاص مش كده انا بحترمك ومكانتك كويسه عندى قولتله بس مش فى قلبك قالى انا مش كدبت عليكى انا مش اخدتك عن حب أهلى والظروف اللى كنت فيها خلوة اتجوزك فزيك زى اى واحده كانت هتكون مكانك مش فارقه قولتله وبعد عشرة سنتين مش اتغيرت قالى لا انا جربت وقولت اتجوز ولقيت نفسى زى ما انا ولو رجع بيا الزمن مش كنت اتجوزت اصلا فيمكن لما ييجو العيال اتغير قولتله ولو مش اتغيرت قالى يبقى نصيبنا بقى ونعيش كده وخلاص من بعد اليوم ده زى ما يكون كان حمل على كتافه ونزله عرفنى مكانتى عنده وزى ما يكون بيقولى أقبل بقى كلامنا قل اكتر بقى يعدى يوم الاجازه حتى مش نتكلم بعد ما كان بيبقى عاوز يشوفنى اكتر من مره فى الأسبوع بقى يعدى اكتر من اسبوع مش نشوف بعض لحد النهارده كلمته قولتله لو فاضى عاوزه اتكلم معاك وقولتله شكل العلاقه بينا عاجبك احنا مش فى حياه فى علاقتنا ملل وبرود انت مش حاسس كده قالى يا بنت الناس انا مش ضحكت عليكى ومش خدتك عن حب وده نصيبى ونصيب ولو رجع بيت الزمن مش كنت اتجوزت بس قدرى خلانى اتجوزك وخلاص رضيت وعايش بس لا ليا فى الحب ولا النحنحة ولا الرومانسيه دى ومش شايف ان عندى مشكله عندك انتى بقى مشكله شوفى انتى عاوزه ايه انا واحد قلبى قولتلك اقفل ومات وفى لحظه زى دى لو قرارك أننا نسيب بعض انا مش هقولك لا قولتله الدرجه دى ده انت كنت بتقولى مش متخيل ييجى يوم واسيبك يعنى اللى حبيتها سيبتها ولو قابلتها عادى إنما انتى مراتى وبين عشره مش متخيل كده دلوقتى بتقولى لو نطقتها وطلبتها منك هتنفذها أومال حياتك واللحظات اللى كانت بينا وانت فى مصر معايا كانت ايه تمثيل عياطك عليا وانا تعبانه كان ايه قالى لا مش تمثيل همثل على مراتى وعيادة عليكى عشان بينا عيش وملح وانا مش ابن حرام عشان يهون عليا وانا يا بنت الناس مش هتغير انا هفضل جد وكلامك مش هياثر معايا فشوفى انتى ايه مشكلتك وايه الحل ولما من دلوقتى مش مستحمله عيشتى أما نجيب عيال هتعملى ايه قولتله عاوز تخلف منى قالى اكيد عاوز عيال بس انا برده مش هتغير وحياتى هتفضل كده سواء جه العيال أو لا قولتله ماشى وانا هكمل العمليه وهيب العيال يمكن انا حاسه بكده عشان مش فى اطفال يمكن ربنا يغيرك ويفتح قلبك ليا أو يغيرنى انا ويرزقنى بأولاد يشغلونى قالى يا رب وراح نام
    بس انا مش مرتاحه انا عاوزه أعيش الحب مع جوزى عاوزه مقرب من بعض وهو قافل كل الطرق فى وشى اعمل ايه تعبانه اوى والله

  2. #2
    الطاقم الاستشاري لموقع الدكتورة ناعمة

    بيانات المشتركة

    افتراضي

    وعليكم السلام ...

    مرحباً بك عزيزتي .. ونشكر تواصلك وثقتك بنا ..
    في حياة كل رجل هناك امرأه تظل عالقة في ذاكرته حتى وإن أختفت من حياته هي في الأغلب حبه الأول والمرأه التي منحته البهجة والحنان .. ومن المؤلم أن تسمع الزوجه زوجها يذكر امرأه اخرى بالحب والشوق ويبدو ان هناك تفاهم وتوافق بينك وبين زوجك فأنت ذكرت أنه إنسان رومانسي وكريم معك الأمر الذي جعلك تحبينه وتتعلقين به أكثر وزوجك كان واضحاً وصريحاً معك منذ البدايه وتكلم عن حبه القديم.

    لذا لا تجعلي هنا مجال للمقارنة ياعزيزتي فحبك أعمق في قلبه لأن الرجل في الغالب يمين الي التعبير عن حبه بالأفعال أكثر من الكلام وزوجك يحتاج إلى حب قوي جداً حتى ينسى ذكرياته مع المرأه الأولى في حياته.

    يجب عليك أن تشعريه بحبك الصادق ولا تطالبيه برومانسية العاشق بقدر ماتأملين منه واقع الزوج المحب كما هو معك ويوفي بوعده ويقوم بواجباته تجاهك وتجاه اسرته.

    -كوني دائماً متسامحه مع زوجك واغفري له ماسبق من تجارب قد تؤلم مشاعرك و ابدئي معه حياة جديده كوني أنتي بطلتها على الدوام.

    -ارضى بما يمنحه إياه زوجك من مشاعر ربما إن في هذا الرضا منفعة لك ، فاذا شعر زوجك منك بالرضى اطمئن قلبه وأنت ايضاً يجب عليك في هذا الوقت ان تغمريه بالمشاعر التي لا يمكن ان تعطيه إياها إمرأة سواك فأذا أدمن زوجك عطائك له لن يستطيع ابداً اتخلي عنك أو تذكر امرأة أخرى لم تمنحه شيئا مما منحتيه.

    - يجب إن تعلمي أن تلك المرأه الخفيه لن تكون افضل منك فاذا كانت كانت تفوقك في الجمال فأنت الأطهر و الأنقى في السلوك.

    - كوني دائماً واثقه من نفسك واجعلي زوجك يشعر بهذه الثقة فهي سلاح خطير يهدد الزوج احياناً به او بدونه ستكوني .. فلا تترددي في منح نفسك الثقة الكامله من أجل استرداد زوجك من ذكرياته الاولى.

    - اعلمي ان التجدد ليس في المظهر فقط وإنما التجدد في الأفكار وفي السلوك ايضاً أمر ضروري ليمنح زوجك شعوراً بأنه متزوج بأكثر من امرأه متمثلين في إمرأه وحيده هي زوجته.

    -اجعلي من القراءه والإستيعاب افق جديد يدلك ويمنحك الأفكار التي ستدهش زوجك وترضيه لإختياره الجيد لزوجته التي تتفنن بكل شيء وتتفنن في التجدد بإستمرار.

    - عليك أن تكوني صبوره وأن تتركي الوقت يساعده على نسيان الماضي وإلى حين الوصول إلى هذه النتيجه فأن الأمر يحتاج إلى صبر وقوة منك لكي تكوني السند المطلوب إلى جانبه.

    - لا تنسى الإستمرار بالعلاج من أجل الإنجاب لأن وجود أطفال بينكما حتماً سيغير تفكير و نظرة زوجك لحياته الزوجية بشكل أفضل.

    -احرصي على أن تقضي مع زوجك وقتاً خاصاً في الحديث والمرح و التنزه .. وقبل أن تتحدثي مع زوجك إقضي بعض الوقت بمفردك وفكري في الأمور التي تودين مناقشتها معه وما هي المساحات التي تحتاج الى تحسين في حياتكما وعلاقتكما.

    - ابحثي عن طريقة تعبرين بها لزوجك كل يوم عن إحتياجك إليه وتقديرك لكل ما يقوم به من أجلك وعن إمتنانك لوجوده في حياتك.

    غاليتي .. استمتعي بحياتك واسعدي زوجك برقتك وجمالك وطيب أخلاقك وجميل حديثك ومرحك الأمر الذي سيجعله لا يفكر في إمرأة غيرك.

    أتمنى لك حياة سعيده🌹

    وانصحك بالإلتحاق بدورة الحب إلى الأبد/ 2019 /أون لاين/ للدكتور ناعمة على الرابط https://www.drna3ma.com/vb/showthread.php?t=195866

    وكذلك دورة سبعة اسرار سحرية لسعادة زوجية ابدية/ الدكتورة ناعمة على الرابط https://www.drna3ma.com/vb/showthread.php?t=363751

    ودمتي بألف خير


سياسة الإسترجاع - الشروط والأحكام - بيان الخصوصية - من نحن - إتصل بنا