النتائج 1 إلى 3 من 3

الموضوع: مشكلة زوجية

  1. #1
    ملكة

    بيانات المشتركة

    افتراضي مشكلة زوجية

    السلام عليكم ورحمه الله وبركاته جزاكم الله خيرا على هذا المركز الجميل ده
    ادخل ف الموضوع على طول
    انا متجوزة من ٣سنين وعندى بنوتة عندها سنه
    لكن عمرى ماتفاهمت انا وجوزى هو معاملته مع كل الناس حلوة وكل الناس تحبه لكن معاملته ليا انا مش عارفه احددها مش بيبطل يدعى عليا انا وماما وبابا لاى سبب لو نسيت اعمل حاجه لو عملت حاجه ومش عجبتو ع اى حاجه لازم يدعى عليا وعليهم وبيتحكم فيا بشكل رهيب رغم أنه معيد ف الجامعه إلا أنه حابسنى ف الشقه مافيش خروج ومافيش جيران مافيش شباك اوباب يتفتح وبيصرف ع نفسه وع اى حاجه انا عاوزاها للبيت لكن لو انا عاوزة اى حاجه خاصه يرفض خصوصا الهدوم يعنى اقولو عاوزة اشترى هدوم نوم حاجات حلوة وكده يعنى يرفض يقول لا انتى مش محتاجه مع أنه ميسور الحال واصلا من يوم ما تجوزت وهما مش بيرضي يشتريلى اى هدوم ولا ميك ولا اى حاجه ودائما لما اقولو ماينفعش تهينى لو بتحبنى احترمنى يقولى ياعبيطه الواحد ماينفعش يتكلم كويس مع مراته علشان ماتشوفش نفسها عليه وف نفس الوقت احلى الكلام يقولو لزميلاته ف الشغل واول ماازعل يقولى ياغبيه دى بس علشان الشغل مش اكتر بس ف واحدة معاه ف الشغل بتلف حواليه بس هو مش معبرها ويقول إنه بيحبنى انا
    هو بيعاملنى ف منتهى الحب والاحترام قدام اهلى بعد مايمشوا يتحول مش عارفه اعمل ايه
    ودائما يقارن بينى وبين اى واحدة يعرفها وأنها احلى واحسن منى مع انى حلوة مش وحشه
    ف بقالى شهر قررت انى اول أما يشتم أو يعمل حاجه تدايقنى اسكت بس أكلمه وانا زعلانه يعنى بس لما يطلب اى حاجه اعملها من غير ما اتكلم معاه اول أما عملت هو بقى يصالحنى مش يعتذر طبعا بس ممكن يحضنى كده يعنى بعد جه امبارح عاتبنى على الأسلوب ده قال أنا حتى لو كنت عامل معاكى ايه ومش عاجبك وزعلانه ماينفعش انك تتقمصى وتعملى طلباتى من غير ماتتكلمى معايا يعنى انتى بتعاقبينى مثلا انا مش عاوز الأسلوب ده يتكرر
    قولتلو انت عارف انى عصبية جدا انت بتحب تنرفزنى وتعصبنى ف انا علشان اتفادى المشكله بسكت بس بكون زعلانه وده من حقى الكلام مش عجبه
    انا دلوقتى مش عارفه اعمل ايه هو هز ثقتى ف نفسي ودمر شخصيتى والكارثة انى انا لسه بدري ف الكليه بس الكليه عند بيت اهلى انا مش بحضر بروح الامتحانات بس دلوقتى هو مش راضى السنادى يخلينى انزل امتحن قال لو نزلتى هاخد بنتى وماترجعيش تانى يااما انا أو الكليه عجزنى مش عارفه اعمل ايه بالله عليكم حد يساعدني ضرورى

  2. #2
    ملكة

    بيانات المشتركة

    افتراضي

    ياجماعة هو ليه ماحدش رد ع مشكلتى

  3. #3
    الطاقم الاستشاري لموقع الدكتورة ناعمة

    بيانات المشتركة

    افتراضي

    وعليكم السلام ...

    مرحباً بك عزيزتي .. ونشكر تواصلك معنا...
    كثيرة هي المشكلات في العلاقة الزوجيه والتي تؤثر سلباً على تفاصيل الحياة بينهما ومن أهمها كثرة النقد والتسلط وإتخاذ القرارات بصوره فرديه بعيداً عن روح المشاركه التي تقوم عليها العلاقه الزوجيه ... نصيحتي لك للتعامل مع هذا الموقف أن تتجنبي العصبية مع زوجك لأنه سيزيد الأمر سوءً و لن يجعله يصبح أقل سيطره أو تحكم.

    -كوني صبورة ومرنه وعبري لزوجك دائماً عن حبك وتقديرك له وإهتمامك به.

    -إذا كان زوجك يشعر بعدم الثقة في نفسه ويلجئ إلى التحكم والسيطرة عززي ثقته في نفسه بالتدريج وحاولي مدحه والثناء على أفعاله حتى يتحسن ويبداء في إكتساب الثقة والتصرف بشكل طبيعي وأكدي لزوجك دائماً إن الحياة الزوجية مشاركة وأن النقاش حول القرارات لن تؤثر على حياتكما الزوجيه سلباً.

    - أخبريه بأنك لن تتصرفي في أمر مصيري دون الرجوع إليه أولاً وتجنبي العناد والزن والإنتقاد لكل شيء يفعله لأن ذلك يجعله أكثر تحكماً وعصبيه وحافظي على هدوئك فأن الهدوء يعمل على إمتصاص غضب الطرف الأخر مهما كان قدره وإذا قام بإنتقادك فلا تقتنعي بهذه الإنتقادات ولا تلومي نفسك على كل شيء يحدث لأن الزوج حينما يكون متشدداً فأنه يلوم زوجته على كل شيء فلا تفقدي ابداً ثقتك في نفسك ولا تجعليه يحبطك.

    - قومي بالعناية بزوجك وأجعليه يشعر بأنك تحبينه وتهتمين به فهذا من شأنه أن يقضي على القسوة والعنف الموجودان بداخله.

    -من الأفضل أن تنتظري قليلاً قبل الرد على إنتقاده و تحكمه والرد بطريقة أكثر لباقه وبشكل أكثر هدوء وابتسامتك تخلق جواً إيجابياً وأقل إحتقان علاوة أنها ستدفع زوجك إلى إستخدام نهج أكثر اعتدالاً .

    -عند إنتقادك ايضاً حاولي التركيز على نفسك وتطويرها وتعرفي على نمط شخصية زوجك ليسهل تعاملك معه وأن تنظري إليه نظرة شامله وحاولي إظهار وإبراز إيجابياته و مدحه وعرضها بين يديه ومطالبته بترك ما عنده من سبيات بعد أن يسمع إيجابياته ومديحك له.

    - لا تنشغلي بالبحث ورائه وإهتمامه بزميلات عمله بل ركزي على إصلاح علاقتكما وتقربي منه أكثر وأهتمي به وعامليه أفضل من السابق.

    -كوني له الصديقة والعشيقة واشغلي وقته معك ولبي إحتياجاته العاطفية والجنسية وأستخدمي معه سلاحك الأنثوي الناعم لإقناعه بموضوع اختباراتك الجامعيه وغيرها وعامليه برقه ودلال ونعومه وأسمعيه احلى كلام الحب فكل ذلك له مفعول سحري لجذب زوجك وتنفيذه لطلباتك ورغباتك وأعلمي أنك تستطيعين وبكل بساطة الحصول عليها عن طريق تلبية رغباته وطلباته أولاً وافعلي ما بوسعك واستعملي فنونك لتملئ عينيه بجمالك وتأسريه إليك دون أن تتركي له مجال للتفكير بأخرى أو يعقد مقارنات بينك وبين الأخريات.

    -أظهري له مقدار إحترامك لأهله واخبريه بأن عدم احترامه لأهلك يزعجك ويضايق مشاعرك وحاولي أن تتجنبي وتتفادى كل ما يثير غضبه حتى لا يبداء بالعصبيه والتلفظ عليك وعلى اهلك.

    غاليتي .. افتحي صفحة جديدة من حياتك يكون أساسها الحب والإحترام المتبادل واسعي لتحقيق أهدافك وطوري من ذاتك ومهاراتك واشغلي وقت فراغك بكل ما يعود عليك بالفائده..

    *وللإستفادة أكثرأنصحك بالإلتحاق بدورة كوني ملكة / 2019 / للدكتورة ناعمة على الرابط https://www.drna3ma.com/vb/showthread.php?t=363636
    وكذلك دورة حوار الكناري/ للدكتورة ناعمة/ أون لاين على الرابط https://www.drna3ma.com/vb/showthread.php?t=383527

    ودمتي بألف خير🌷


سياسة الإسترجاع - الشروط والأحكام - بيان الخصوصية - من نحن - إتصل بنا