النتائج 1 إلى 3 من 3

الموضوع: قررت الطلاق بعد فرصة 4 سنين

  1. #1
    ملكة

    بيانات المشتركة

    افتراضي قررت الطلاق بعد فرصة 4 سنين

    السلام عليكم دكتوره انا بكتبلك وانا حاسه بخنقة وضيق بصدري
    انا متزوجه تقريبا من 4 سنين ...وفي شي نغص علي حياتي واثاره بينت ع علاقتنا او حتى علي انا بيني وبين نفسي
    من اول شهرين زواج شفت انو زوجي فاتح ع فيديو اباحي وانصدمت صدمه كبيييره ما بتتخيليها بس هو حلفلي انو ما شاف وفضول ومن هالحكي ولأنو انا كنت أحبه واعرف انو مؤدب تخطيت الموضوع وبعدها بفتره رجعت شفت وصرت عادي متعوده وبحس انو موبايله اشي مقرف ما بحب امسكه ...ومن هداك اليوم وانا كل يوم بفكر بالطلاق وبندم ع كل ايامي معه وبحس انو كذب علي وخدعني ..بس برضو كنت بمشي الموضوع وبتجاوزه رغم عني لأنو كان صعب علي احكي قدام اهلي شو السبب ..ورجعت شفت بعد بفتره نفس الشي وبهي المره كانت أشياء مقرفه ومبالغه استغفر الله ما بقدر اتصور كيف بقدر يتفرج عليها ووقتها لأنو بلش بدو ينكر مسكت الموبايل وكسرته ومن هي المره وانا بقاوم افكار بتيجيني ...متل انو بدي اخونه مع حد تاني لأنو حتى بالفراش طولت كتير لقدرت استحمله وهو ما بعرف واناا مو مجبوره ابدا اعيش بهاد الوضع وهاد الضغط النفسي علي وكمان صرت افتح ع صور رجال بس ما قدرت اكمل ..نفسي ما تقبلت هاد القرف ..وكنت مشان اخفف عن حالي اتخيل غيره بالفراش واحكي ببالي ياريت لو في غيرك. ..لأنو اكون محتاجه الشغله ومضطره اكون معه.
    وهاد الموضوع راح من سنه وانا بديت احاول ارجع ثقتي فيه او حتى احاول اريح حالي وانو موضوعه ما بهمني يعمل شو ما بده وبنفس الوقت كنت استخير كتير وادعي ربنا اذا لسا الو بهي القصص ربنا يكشفلي ياه ويفرقنا... وامبارح مسكت موبايله بدي اشوف شغله لبنتي ع موقع موجود عندو وتفاجأت بصوره ..تركتلو ياها ع الموبايل وقمت وهو صار يحكي والله فضول شفت شو هاد الي ببيعوه بس وطلعت ..يمكن انا كنت مصدقته او يمكن مو فارقه معي شو برر ...انا هلأ بفكر بحالي بس انا كيف بدي انسحب من العلاقه بدون ما اتأثر وحتى لو تأثرت انا ما بقدر اكمل بهي العلاقه ابدا ابدا ...لأنو عطيتو فرصه 4 سنين وانا بسمح لكرامتي وانوثتي تنهان... وغير هيك خلص ما الي علاقه. .هي مشكلته هو مو انا.. هو بفتح ع هي المواقع من قبل الزواج . .وانا مو مجبوره اتحملها واتحمل ضغط علي واعيش بوسواس وبخاف بعدين اعمل خطأ مشان انتقم منه
    أنا عندي بنت 3 سنين وحامل بالشهر الرابع ومستعده للانفصال وهاد القرار ما اجا بلحظة هاد من 4 سنين وانا بفكر فيه وبدعي الله يختارلي الخير بس انا مو عارفه شو احكي للناس ولأهلي ..حزنانه عليهم كتير ..وطاقتي الي بتروح وانا بفكر بهي المواضيع انا محتاجتها وما بدي اضل اضيعها ع تفكير وقصص انا مو ذنبي فيها

  2. #2
    الطاقم الاستشاري لموقع الدكتورة ناعمة

    بيانات المشتركة

    افتراضي

    وعليكم السلام ...
    مرحباً بك عزيزتي ..

    إن الحالة النفسيه التي تمرين بها وخيبة الأمل التي تعيشيها من زوج خائن كسر قلبك وأحدث خلل في الحياه العاطفيه بينكما.

    اتفهم تماماً ياعزيزتي ماتمرين به لكن أعلمي أن قرار الطلاق ليس قرار سهلاً ويمثل العديد من الأزمات والمشاكل القاسيه التي قد تواجهك فيما بعد خاصة في ظل مجتمعاتنا العربيه التي تعتبر المطلقه مذنبه وفاشله في الحفاظ على بيتها وزوجها الأمر الذي قد يعرضك لضغوط نفسيه أكبر.

    في هذه الفتره لا تسمحي لأي إنسان بالتدخل في خط تفكيرك لأنك مهيئه تماماً للإستقبال أي مؤثر خارجي سلبي.

    حاولي أن تلغى كلمة طلاق من حياتك وخططي للإصلاح إذ لابد من المرونه في العلاقة الزوجيه والتنازل أحياناً في حدود المصلحه العامه.

    لا تنشغلي بما يفعل زوجك بل انشغلي بالتجديد والتغيير في مظهرك وأسلوبك وأنصحك بعدم التجسس على هاتفه مهما كان السبب واظهري ثقتك فيه وتفهمي زوجك وتعلمي فنون الإنوثه وصناعة الإغراء وامطريه بعبارات الشوق والحب وتعلمي متى تقتربي ومتى تبتعدي حتى لا يمل وتقديمك لمبادرات جيده ورومانسيه قبل مواجهته امر ضروري لتشعري بعودته من جديد لإحضانك.

    لا تنسى أن أهم مبادره هي الإهتمام والتجديد في العلاقة الحميميه بينكما وأعتقد أن العصبيه واللوم وكثرت النقد والعتاب لاتقدم شيئ حيال هذا الموضوع ...
    بعد ذلك ابدئي بالتلميح أو المواجهه اللينه والشفافه وحاولي الإستماع له وتفهمه فقد يكون هذا الأمر نقطة بدايه لبناء علاقتكما مره أخرى ولا بد من أن تعطي نفسك مساحه من الوقت والتفكير لإتخاذ القرار الصحيح وتقبلي محاولاته في ارضائك والإعتراف بخطأه.

    تحلي بالصبر والهدوء لأن ذلك لايحتاج الى تعصب ونديه إما أن يبتعد عن ذلك أو الطلاق.

    تحدثي مع زوجك عن المشكلات التي بينكما وعن وجهة نظرك في حلها وانظري رغبته في التغيير وقيمي محاولاتك في تحسين التواصل بينكما وجربي أساليب جديده في فن التواصل مع زوجك وقررا معاً إما الإستمرار على أساس من الموده والإحترام أو الإنفصال.

    تعاملي مع زوجك كأنه كل شيء الصديق والحبيب والعشيق ولا تخجلي منه ابداً.

    كوني على ثقه عاليه بنفسك فإن من العدل أن لا تحملي نفسك فوق طاقتها في حال لم يطراء على الأمور أي تغيير وإذا كان يرفض الإستماع إليك أساليه عما إذا كان يرغب أن تبتعدي عنه أم لا.

    غاليتي اشغلي نفسك و تفكيرك بأنشطة جديدة وهوايات عديده تساعدك على نسيان الخيانه العاطفيه وفتح صفحه بيضاء مملوئه بالحب والتسامح.

    *وللإستفادة أكثرأنصحك بالالتحاق بدورة كوني ملكة / 2019 / للدكتورة ناعمة على الرابط https://www.drna3ma.com/vb/showthread.php?t=363636

    وكذا دورة استراتيجيات التعامل مع الزوج الخائن/ 2018/ للدكتورة ناعمة/ https://www.drna3ma.com/vb/showthread.php?t=195859


    أتمنى لك حياة سعيدة🌷

  3. #3
    ملكة

    بيانات المشتركة

    افتراضي

    الله يجزيكي الف خير يا رب
    الاشي الوحيد يلي بنقدر نقدملك ياه هو الدعاء


سياسة الإسترجاع - الشروط والأحكام - بيان الخصوصية - من نحن - إتصل بنا