النتائج 1 إلى 2 من 2

الموضوع: محتاره

  1. #1
    ملكة

    بيانات المشتركة

    افتراضي محتاره

    بسم الله الرحمن الرحيم ببدا بقصتي وبحاول اختصر انا انسانه متزوجه لي سنتين وفترة خطوبتي كانت سنه طبعا كنت اعرف انه غيوروانهم عائله مشدده بس قالةا هذا احسنهم وبار في امه قلت بقدر اغيره وفتره ويفك طبعا
    زوجي مو موظف واصغر واحد بخوانه الي عرفته انه جنوبي غربي وانا شماليه شرقيه طبعا من اول شهر ضربني كف بسبب مقلب سويته وانفجع مني وقلت ردة فعل طبيعيه ماعليه استاهل المقلب قوي وبما انه احنى خارج المملكه تزاعلنا ومارضي يتجاوب معي ويرضى قلت بسوي مقلب وبيفك وللاسف زدت الطين بله كتبت ورقه مع السلامه واخذت جواز السفر وتخبيت بالدولاب ولمن خرجت وهو يدور صكني كف ماعلينا طبعا هو انسان عصبي وشكاك وغيور وعنده سوء ظن وفهم للمواضيع فضيع وخطير يفسر كل شي بتفكيره الغريب تعبت معاه اداريه مداره اذا ماسمعت كلامه يزعل واذاتناقشنا يزعل واذا غلطت يزعل وزعله يطول مايقبل اسف ولامبررات تحقيقاته كثير اسئلته كثير ليه وليش واحلفي رقم امه موعندي وحريم اخوانه ممنوع اعطيهم رقمي وممنوع اعطي رقمي لحدالا باذنه ولا احد يكلم من جوالي الا باذنه ممنوع اروح لقريباتي او صاحباتي اهلي واهله وبس مايحب المولات او الحدائق العامه مايحب المناسبات الفاضيه ولازم يروح معايه بكل مكان وبكل مناسبه حتى مع الدرج ينزل ويطلع معايه يدقق في لبسي هذا شفاف وهذا ضيق وهذا ماينفع ونزليه مع العلم ان لبسي محتشم وما البس بناطيل ولاقصير عباتي على الراس من صغري وكمان يدقق بغطوتي غطي وانتبهي ولاحد يشوفك واذا رحت مناسبه مثلا عزيمه او لاهلي او اهله لازم تنبيهات قبل اروح خليك سطحيه لاتدخلين مع احد بامور خاصه لاتروحين جهة الباب حق الرجال خليك بالمجلس فلانه لاتحتكين فيها واذا رجعت لازم يسال هاه صار شي من الي حذرتك عادي قولي احد شافك حتى عند اهلي انتبهي الباب واذا رجعت من جاكم احد كلمك وممنوع اروح مع اهلي اي مشوار وطبعا يوميا يسالني من يوم عرفته احد كلمك احد دق الباب مواقع التواصل حذفها علي ماعندي الا واتس ونادرا ادخل حتى الحالات بالواتس مايخلني انزل او ادخل على اي حاله يقول ممكن وحده تنزل صورة زوجها او اخوها ممنوع مسلسلات او افلام واذا رحت موعد مستشفى لازم يقول انتبهي لايكشف عليك دكتور واعطيني خبر لوفي دكتور ولازم يستنى برى واذا تاخرت يعصب وينكد يومي مهما هديت الوضع اوتجاوبت معاه يزعل وينقلب اليوم واذا تناقشت اوتضايقت يزيد الحال تعينت مديره بتحفيظ قران داومت يومين وبعدها منعني عشان مديري رجال ولا تواصلت معه اساسا حاولت ارجع لومعلمه رفض يعني مقفل كل الاابواب عليه اذا فتحت طاقه او وقفت قدامها لازم يحقق ويسال الباب مستحيل افتحه في عدم وجوده طبعا صار بيننا مشاكل كثير اقل شي بالشهر مره من لما بدا يمد يده وانا حامل وبأول سنة زواج وتطور انه يسب حيوانه كلبه حقيره وسخه وبدات اعلم اهلي كلموه مافي فائده طبعا المواضيع الي يضرب فيها تافه منها مثلا يقول لاتتصورين بجوال اي احد قلت طيب ومحلفني كمان فيه مره رحت لاهلي صباح العيد مرور بسلم واخرج سحبتني اختي قالت بتصور مع بطنك طبعا موباين الا ملابسي وملابسها من جهة البطن وبدون وجه انحرجت منها يوم طلبتني وكنى قدام زوجة اخويه ماحبيت ابين انه مانعني قدامها من التصوير حتى مع اختي ويوم رحت له سالني وحلفني اكون صادقه قلت له وبررت وتاسفت وضربني بعد ماشد النقاش بيننا وزي كذا مواضيع الضرب يقول لاتطولين لسانك وتسمعين الكلام ماتنضربين طبعا الضرب كف كفين اربع على حسب قوة زعله اكتشفت مع الايام انه ابوه الله يرحمه كان يضرب واخوانه يضربون زوجاتهم الزوجه عندهم شبه مضطهده مالها راي ماحد يشاورها ماتسال ماتتدخل تقوم ببيتها وتجلس فيه وتسمع الكلام خرجاتهم كلها بر وصحراء مافيها ناس مايروحون لحدمايختلطون لافي جماعه ولاجيراان ولا اصحاب اقصد العوائل بس الرجال علاقاتهم متعدده ويعزمون ويضيفون ويذبحون ويهدون طبعا عمر زوجي خمسه وثلاثين وعمري ثلاثين من نفس العائله بس عاداتهم غير عننا انا اهلي محافظين لكن مو متشددين مثلهم كنت اروح واجي ونتمشى بكل مكان ونزور انزل السوبر ماركت واروح للخياط عادي عنده لا طبعا انا جامعيه وهو ثانوي علاقته بالناس جدا تمام حنون وطيب وكريم بس معايه كزوجه صفر فاهم الحياه سبطره وجنان كل مره يقول زوجك وطاعة زوجك وانا زوجك انامليت من هالحياه الي مضيق علي بكل شي بدون تعويض ولامقابل وكمان ضرب وسب وصار قدام طفلتي والحين انا حامل بالسادس وعند اهلي لانه ضربني كفين وسحب شعري طبعا على شي تافه الكفوف الي جاتني منه تتجاوز العشرين كف خلال سنتين على مواضيع مختلفه وتافهه بس لان النقاش يطول بسببه هوه ويضغط علي لين ارفع صوتي اواقلب الموضوع عناد يقوم يمد يده واذا مامدها خبطني دفني سحب برقبتي مسك بذني لازم ردة فعل وسب وبعدها يكمل زعل ويتحكم ويتامر حتى بعد الضرب قومي سوي قومي جيبي ويكمل باقي الايام سوي حطي بتقولين ليه ساكته بقولك ماني ساكته جربت كل الطرق القوة والطيب والعناد والسب والخروج من البيت والزعل والسكوت والتمثيل مايجيبه الا المداره كاني اداري في مجنون وها الاسلوب مليته لان مافي مقابل يعني اكون تمام واجي اطلب منه مثلااروح لاهلي بنهاية الاسبوع بعد المداره والدلع يرفض او يقول تدورين مشاكل ونكد اف احسه انسان ملل والحياه ملله كل همه العلاقه والاكل ويابرى البيت يانائم البس واتكشخ واسوي له حفلات ومفاجات واجيب هدايا كمان ينكد لوبعد الحفله بيوم صح ينبسط ويتفاعل بس بلحظه يهدم كل شي لدرجة سرت استخسر اولع شمعه عشانه وكل السنتين حمل وولاده ونفاس ورضاعه طبيعي ممنوع الحليب الصناعي وممنوع اخذ مانع بغرض التنظيم وليت تهنيت في الحمل والا تنفست بالنفاس والااستمتعت مع طفلتي كلها منكد عليه فيهاالزبده اني قررت اتطلق وافتك وانا عند اهلي الحين وخارجه من البيت بدون اذنه للمره الثانيه بسبب الضرب بينناعهود ومواثيق وحلف ما اخرج ولامدري شنو كلها ضربت فيها الحائط وخرجت بدون اي احساس بالذنب طبعا يحاول يرسل احد يطلب الصلح بس انا رافضه ولانه ماجاء لابويه رافض يدخل بيته عناد وكبرياء لانه اخذني من بيتي وواقف بصفي زعلان منه طبعا انا مقتنعه انه مارح يتغيروان الحياه صعبه معاه وان طفلتي بعيد عنه بتكون سويه مو مريضه نفسيا وانا كمان احسه جنني لاراحه ولادلع بس مشاكل وبكى حتى مايتاسف بعد الضرب او يرضيني جنني اساسا احسه مريض نفسي موطبيعي وارسلت حابه استشيرك قراري صح والاخطاء

  2. #2
    الطاقم الاستشاري لموقع الدكتورة ناعمة

    بيانات المشتركة

    افتراضي

    مرحباً بك عزيزتي...
    للأسف هناك مفاهيم خاطئة غرست في نفوس بعض الرجال منها ان القوة والعنف هي من سمات الرجولة ومن صفات الرجل الحقيقي لهذا يلجأ بعض الرجال للضرب ..
    وهناك اسباب كثيرة تجعل الرجل يقدم على هذا السلوك من اهمها..

    ـ اعتقاد الرجل بأن الرجولة تعني أن الكلمة كلمته والشورة شورته‏، فإذا أظهرت الزوجة عدم تقبل لهذه الأفكار أو رغبت في مناقشتها أو أظهرت رفضها لها يثور الزوج وينفعل ويلجأ إلى هذا الأسلوب لفرض رأيه بالقوة‏.‏

    - ومفاهيم خاطئة عن الزواج بصفة عامة، لأن بعض الرجال يعتقدون أن الزواج يعني شراء زوجة لتقوم بدور معين سواء إعداد الوجبات وتنظيف البيت وإشباع رغباته الجسدية وتربية الأبناء‏..‏ وهي نظرة خاطئة للزواج الذي يعني في مفهومه الصحيح المودة والرحمة والمشاركة بين اثنين متساويين في الحقوق والواجبات وفي الأدوار التي يؤدونها في الحياة‏.‏

    وكما اشرت في حديثك ان شريكك قد نشأ في اسرة يمارس فيها نفس السلوك العنيف ، فتنشئته في بيئة كهذه هي احد الأسباب الهامه التي جعلته يستخدم هذا السلوك..

    - ولكن الضرب اساساً تصرف غير مقبول لذلك عليك رفضه ، فلا تبرري له اسباب الضرب ، ولا تلومي نفسك ابداً لأن كل الأمور يمكن مناقشتها بين الزوجين بالعقل والحوار والتفاهم والأحترام وليس بالضرب ...

    - سكوتك على هذا السلوك من البداية هو ما جعله يتمادى ، لأن ردة الفعل الأولى من الزوجة مهمة جداً، حتى تكون رادعة للزوج في مثل هذه التصرفات المرفوضة..

    *غاليتي.. اذا كنت تشعرين بالإحباط واليأس من تغيره كما ذكرت فقرارك بالإنفصال هو القرار الصائب والحل الأفضل للحفاظ على حياتك وكرامتك ، فلا شيء يجبرك على الإستمرار في علاقة وبيئة غير آمنه كهذه ومن حقك وحق طفلتك ان تعيشا في بيئة آمنه خالية من العنف والقسوة ..

    * وإن كنت على استعداد بإستمرار العلاقة، فيجب عليك ان تفكري في علاقتكم جيداً، اسألي نفسك إن كانت علاقتكما تستحق بذل مجهود لتعديلها ام لا ؟ والأهم من ذلك ان تتأكدي اذا كان شريكك يرغب بتغيير سلوكه وعلى استعداد لاحترامك والاستماع الى رغباتك واحتياجاتك، فإذا رجع إليك وندم واعتذر وقدم الوعود والمواثيق بأن لا يعود الى مد يده عليك مرة اخرى وان يعطيك حقوقك كامله ، أعطيه فرصة اخيره ، فربما تكونين على استعداد بإستمرار العلاقة ..

    - تذكري انه مهما كانت رغبتك في تغييره كبيرة لن تستطيعين تحقيق هذا إن لم يكون هو نفسه على استعداد للمبادرة والتغيير في سلوكياته وتصرفاته السلبيه ..

    اعلمي ان القرار يعود لك وحدك ولا يمكن لأحد غيرك ان يتخذ القرار بالنيابة عنك ، فهذه حياتك وانت المسؤولة عنها..

    * انصحك ايضاً الألتحاق في دورات الدكتورة ناعمة اون لاين..

    دورة كوني ملكة https://www.drna3ma.com/vb/showthread.php?t=363636

    دورة اليوم فلتبدأ الحياة https://www.drna3ma.com/vb/showthread.php?t=190443


سياسة الإسترجاع - الشروط والأحكام - بيان الخصوصية - من نحن - إتصل بنا