عزيزتي مشكلتي مع زوجي على مااعتقد انه اصابه مرض الشك الله يهديه ويصلحه حصلت مشكله منذ زمن وجلست في بيت اهلي ومالقيت احد بجانبي غلطت اني كلمت شخص كنت اكلمه قبل الزواج. لكن والله اني قطعت علاقتي فيه ماتعديت كم مكالمه بعدها رجعت عند زوجي وزي ماقلتلك قطعت علاقتي فيه وهو كمان مارجع كلم ولاارسل
بعد فتره زوجي شاف رسمات قديمه لي ودفاتر اشعار لي ولصديقاتي من ايام المدرسه وقالي انه لمين كنتي ترسمي هالاشياء والاشعار هذي لمين قلتله انها مجرد رسومات كنت انسخها وانا صادقه بهالشي ودفاتر الاشعار كل وحده فينا انا وصديقاتي واللي باعمارنا كان عندها من هالدفاتر المهم انه اصر ان في شي بالماضي جلس ايام وشهور مع التهديد قالي انه قادر يجيب برنت كامل وجميع الاتصالات بالصوت وانا طبعا صدقته لين قلتله باللي صار طلب مني وحلف اني اذا قلتله الحقيقه بينسى كل شي وهذا اللي صار والله ماكذبت عليه لاني فعلا ندمت عالاي سويته وقلتله لحظه ضعف لمامالقيت احد جنبي وانا غلطانه واعترف بهالشي طلب مني يشق كل الدفاتر والرسومات وقلتله اذا هالشي يريحك انا

معاك سو اللي تبي طلب جميع ارقامي السريه لكل البرامج اعطيته الارقام الانستغرام والسناب ورقم جوالي السري. صار يفتش جوالي وانا معطيته حريته باللي يبي عشان يتاكد بنفسه ان مافي شي. طلب مني بعد فتره امسح السناب والانستا وفعلا مسحتهم كنت احاول قد مااقدر اسويله اللي يبي عشان ترجع الثقه كان يمنعني اطلع اي مكان مع اهلي حدث مره كنا بنسافر دوله واهلي راحولها قبل فارسلي اخوي رقم شخص في مكتب قالي خذوا منه سيارت وقولوله من طرفي عشان يهتم فيكم هو من كثر ماصار عنده هاجس قالي هذا الشخص تعرفينه واعطاكي رقمه عشان تتواصلين معاه صار يشك باخوي انه يجيبلي ارقام او جوال
سالني اذا عندي جوال كل مره يسالني هالسؤال وحلفاله على كتاب الله اني ماعندي شي وان الغلطه الوحيده اللي سويتها اني كلمت هذاك الشخص واني والله ماكررتها بقينا سنين على هالحال صار يراقب دخولي للواتس ويفتح رقم الشخص اللي اعطاني اياه اخويه ويراقب الواتس ويراقب الشخص اللي كلمته واللي حكيتله عنه وصار يراقب ارقام اي احد تجيني بالغلط يراقب دخولي ودخولهم اذا بنفس الوقت يعني احنا نتكلم مع بعض طبعا هذا بنظره قلتله كل الناس الان يستخدمون الواتس الكل ممكن يدخل بوقت واحد صرت كل شي احلفه على كتاب الله رحت معاه على مكه وحلفتله امام الكعبه اني بريئه لكن مافي فايده رحت محل كماليات مره بعد فتره قالي مين قابلتي هناك شفتك تكلمين بالجوال وقدامك واحد قلتله ليش ماجيت وقلتلي من هذا لو فعلا متاكد اني اكلمه لوصحيح هالشي كان واجهتني وربي انا غلطت من الاول لكن والله ماعدتها لنا على الحال حول خمس سنوات هو يحبني وانا متاكده من هالشي مل مره يرجع يتعذر ويتاسف

ويبكي يقولي مو بيدي في شي مو مريحني قلتله اروح معاك لكل مكان خلينا نتعالج بس مافي فايده
والان وصل لدرجه انه جا عند ابوي وحكاله كل اللي براسه طبعا ابوي عرف انه وصل لمرحله مبالغ فيها من الشك خاصه انه ذكرله عدة اسماء تقريبنا انه شاك فيها وهواجيس اخترعها ومن ضمنها الرجل اللي بالدوله اللي سافرنا لها جلست اسبوع عند اهلي مع بناتي الثنتين بعدها بدأت المدارس واخذ البنات وجلست اسبوع ثاني لحالي بعدها كلمت اخته وطلبت منها تحاكيه وكلمته وقالتلي كلميه وتفاهموا وفعلا اتصلت وكلمته وتناقشنا كثير نفس الكلام اللي كل مره جا وتكلم مع ابوي بعدين ناداني ابوي وقالي اتفقنا انه خلاص الماضي يمحى ولاعاد يتكلم فيه ولاعاد يقول مافي جوال ولانت لان مافي احد بالدنيا الان عايش بدون نت بعدها رجعت بعد كم يوم يقولي رجعي حالة الواتس اللي كنتي حاطتها كنت حاطتها عن امي وابوي وعنه لكن مسحتها وخليتها دعاء قلتله نسيت ارجعها بعد يومين رجع نفس الشي وانا كنت متعمده اني مارجعها بشوف للان زي ماهو او لا بعدها رجعتها عشان اريح راسي وبعد يومين رجع يقولي نفس الكلام وانا مو مرتاح وتكلمت معاه وناقشته وقريت عليه لكن ثاني يوم صحى وانا كنت متضايقه ونايمه وقالي الى متى بتبقين نايمه وايش هالعيشه ورجع نفس الحكي انا مو مرتاح في شي مو مريحني لدرجه انه صار يتخيل اشياء مو موجوده يقول شفت جوال احمر ينشحن حق مبن وابيه يطلع هذا طبعا قبل لااروح عند اهلي ورب البيت ماعندي لاجوال ولا شي يقولي قوليل كل الصراحه والله لانسى قلتله والله ماعندي شي اقوله يقول خلاص انتي اللي ماتبين تحلين المشكله قلت االفلك يعني طبعا لا رح ابلش بالحالتين ودق على ابوي قاله انت قلت اذا شفت شي عليها كلمني وانا ياخال شفت والله ماسويت شي بس مازال يراقب الارقام واوقات دخول الواتس مع اني مو كثيره استخدام للواتس وكثير خواتي وصديقاتي اذا يبون شي يدقون علي لاني ماادخل كثير وارد وبعد مارجعت بيتي خففت كثييييير من استخدامه بعد ولما جا بابا كنت متضايقه جدا لانه سمعني كلام جدا قوي كلمت ابوي وقلتله على طول اول ماتجي بطلعلك لاتتكلم معاه مايحتاج جيت

باخذ ملابس رفض ادخل الغرفه لحالي رحت بيت اهلي مامعي ولا لبس ولاشي والان لي تقريبا اسبوع عندهم ابوي غير رقمي لان زوجي طلب الشريحه وللان عند ابوي مااخذها وطلب ابوي مني مااتواصل معاه ولااحد من اهله عشان مايعرفون رقمي والبنات طبعا عندهم من يومين ارسلت لاخته بدون ماحد يدري وطلبت منها ماتقول لاحد ولاتعطي رقمي الاحد قالتلي والله هو يحبك ويقول لو تقولي انها ماتبي نت ولاجوال انا مارح ارضى تقعد بدونهم تقولي كلميه وانا محتاره احبه وابيه واعرف كم يحبني بس بنفس الوقت خايفه انا اكلمه زي ذيك المره ولانستفيد بشي

طبعا ابوي رافض انه يتكلم معاه يقول خليه لين يجي من نفسه
والان انا محتاره بوضعي ابي من يشور علي انا احبه واليه وهو متاكده من حبه لي لكن دخل الشيطان بقلبه وتمكن منه وماني قادره كيف اعالجه واتعامل معاه شوروا علي. وانا عارفه اني غلطانه من الاول لكن والله حكيتله كل شي وماعندي اي شي احكيه
شوروا علي الله يفرج همكم




مرحباً بك عزيزتي ..

تشكو زوجات كثيرات من ظاهرة الزوج الشكاك الذي لا يتوقف عن المتابعة والتجسس والتلصص ومحاولة اصطياد الثغرات وتحويلها لمشاكل كبيرة وتحديداً ما يتعلق منها بالتخوين.

والغيرة شعور إنساني طبيعي إذا كان في حدوده الطبيعية، أما إذا زاد عن الحد فيعد شك مرضي، ومن الممكن أن يؤثر بالسلب على حياة الإنسان، والشك مرتبط بشخصية الإنسان، ويختلف باختلاف مزاج الفرد وذكائه وظروفه الاجتماعية والاقتصادية، وتنشئته الاجتماعية.

وقد تكون المرأة هي السبب وراء شك زوجها فيها، وذلك من خلال قيامها ببعض التصرفات، فإذا لم يكن زوجك شكاك من بداية الزواج، فقد يكون ذلك بسبب اعترافك له بأنك تحدثتي مع أحد الشباب ذات يوم، فذلك ما جعله يفقد الثقة بك ويبدأ بالشك.

لقد اخطأت بإخبار زوجك بمحادثتك لذلك الشاب، فمعرفة الماضي يثير الشك ويفقد الثقة، وتظل الوساوس والظنون هي الرفيق الدائم للزوج.

* ولكن الآن كل ما عليك هو تركه حتى يهدأ ويرجعك إليه، ثم حاولي تخفيف الأمر عليه، والتقليل من شأن المشكلة، وحاولي أن تستعيدي ثقته بك من جديد.

* واعلمي أن نسيان أمر كهذا سيأخذ بعض الوقت، ولكن ثقي أنك بصبرك وتعاملك الذكي معه سيتجاوز الموقف طالما أنت تظهرين حسن النية.

* أعيدي له عهود الحب الأولى، ولا تذكري أي شيء عما حدث ولا تبقي تعتذري وتبرري له ولا تتحدثي بالقصة لأنه كلما كررتيها ستبقى عالقة في باله ويتشربها عقله الباطني ولا تذكري المسامحة والمغفرة، واتركي الأمر ولا كأن شيء حدث.

* ثقي بنفسك وبتصرفاتك، وكوني عند حسن ظنه، ولا تثيري شكوكه واستمري في استجابة طلباته حتى يزول الشك ويثق بك من جديد

* كوني واضحة وصريحة في التعامل معه، وابتعدي عن كل ما يمكن أن يشعل نار الغيرة والشك لديه، كما يجب ألا تعانديه أو تعترضي حين يطلب منك أن توضحي له أي لَبس أو شبهة تحيط بمسألة ما، وذلك حتى يطمئن قلبه، ويطرد الشكوك من تفكيره.

* لا تفكري كثيراً بما حدث وعليك طي تلك الصفحة لأنها أصبحت من الماضي وابدأي معه من جديد.

* ابقي بجانبه وأطلعيه على كل أمورك، كوني دائماً مبتسمة وأعيدي الأنشطة السابقة التي كان يحبها.

* كرري على مسامعه كلمات إيجابية مثل الحب والثقة وأشعريه بأنه كل ما تملكين بالدنيا، وابذلي قصار جهدك معه ليعود إلى سابق عهده.

* وإن شعرت أن الموضوع تأزم رغم ما فعلت، واستمر في أوهامه التي ليس لها صحة في الواقع، يجب أن يتم عرضه على مستشار نفسي ليخرجه من الصدمة ويعيد له توازن حياته، حاولي أن تقنعيه بأهمية المشورة النفسية، والذهاب معه إلى الأخصائي النفسي، حيث يقوم المتخصص بالتعرف على المشكلة التي يعاني منها وعلاجه، وأخبريه بأنك ستساعدينه بإيجابية وبكل محبة.


*********

وأنصحك بالالتحاق في دورات الدكتورة ناعمة اون لاين
دورة بوصلة الشخصية
https://www.drna3ma.com/vb/showthread.php?t=363806

ودورة حوار الكناري
https://www.drna3ma.com/vb/showthread.php?t=383527

اقرائي الرواية التي غيرت حياة آلاف النساء حول العالم رواية شما وهزاع
https://www.drna3ma.com/vb/showthread.php?t=365168

للتواصل مع الدكتورة ناعمة والحصول على استشارة متخصصة اضغطي هنا
https://www.drna3ma.com/vb/showthread.php?t=365180

و لقراءة العديد من مقالات الدكتورة ناعمة هنا في هذه القائمة
https://www.drna3ma.com/vb/forumdisplay.php?f=702

وأيضا عبر الأنستغرام
https://www.instagram.com/drna3ma_solutions/

أو عبر الفيس بوك
https://www.facebook.com/drna3ma

و كذلك عبر سناب شات
https://www.snapchat.com/add/drna3ma