صفحة 4 من 14 الأولىالأولى 12345678 ... الأخيرةالأخيرة
النتائج 16 إلى 20 من 67

الموضوع: مشاعر الصدمة الأولى/ قصص/ من دورة استراتيجيات التعامل مع الزوج الخائن/د.ناعمة.

  1. #16
    مراقبة دورات المستشارة ناعمة الهاشمي الخارجية

    بيانات المشتركة

    افتراضي رد: مشاعر الصدمة الأولى/ تابع الفصل الثالث.

    بعد ما كنت أثق فيه ويقولون ثقه عمياء
    كنت أتخيله لو كان بين 1000000000 امرأه ما اغار عليه كنت واثقه من حبه لي
    ولكن للأسف كان يرجع المنزل ولكن يبقى جالس في السيارة يهاتف . . . .
    أول مره مسكت فاتورة تيلفونه طبعا في أرقام تخلي الواحد يشك وأنا ذكية كل ما اتصل برقم من المشكوك فيهم يطلعولي أرقام بنات ومن بينهم فلبينية
    المهم طبعا كنت أسأل نفسي قبل أن ألومه هل أنا أخطأت في حقه أو أنني قصرت في شيء . . . ولكن بدون أن أواجهه حبيت أكون المرأه الذكية التي تحل مشاكلها من غير ما أحد يعرف وكنت فترتها أقرأ مجلة الفرحة وهو يسخر من هذه الأشياء
    طبعا مازال ع مكالماته ولكن أحيانا أقل " "
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

  2. #17
    ملكة

    بيانات المشتركة

    افتراضي رد: مشاعر الصدمة الأولى/ تابع الفصل الثالث.

    يا دكتورتي الغاليه انا اعاني من الموبايل وهو اساس البلاء والمشاكل طبعا اكتشف الخيانة والله يعلم اذا كان فيه شي براه بس اللي شفته في تلفونه صعقني و كرهته ولين الحين اشك في موبايله طبعا مقفول برقم سري حاولت اكثر من مره ان افتحه بس ما قدرت اريد اعرف شو في تلفونه مب عشان اواجه لأ لأني بكون في اضعف حالاتي وهذا اللي تعلمته منج دكتورتي القديرة ولكن عشان اعرف ارده لي للأبد من دون ما يعرف اني كاشفه تلفونه ادري يادكتورة اني اطلع وانزل في تصرفاتي وفي اشياء لازم اعرفها عنه بس مش هذا الموضوع ولحظة اكتشافي الموضوع بكيت وبكيت لين تعبت و مليت وكنت اقارن لو ما اتزوجت شو بيكون حالي لو ما حملت وربيت بكون كملت دراستي ويمكن اكون توظفت بعد بس قدر الله و ماشاء فعل ولازم اواجه الحالة واعالجها مش اصيح وانحب على اللبن المسكوب اذا صح المثل لكن يوم يوصل البيت اشوفه اقول لأ متسحيل يمكن يسويها معقولة واول ما يطلع تبدا الشكوك مرة ثانيه و اعتقاد اهلنا الله يهديهم انه اول ما يطلع الزوج من البيت تقوليله الله يحفظك و يوم يرجع تقوليله حياك الله بغض النظر عن اللي يسويه برا ليش الله واعلم على اساس انه يوم بيكبر بيرجع والله بيهديه طيب ليش ما احاول معاه وبإذن الله بيرجع ورب العلمين قادر على كل شي يبدل من حال لحال سبحانه ولين الحين صابره واحاول اطبخ الطبخه على نار هاديه والله يقدرني يا الله بك ولا بسواك يا أرحم الراحمين منتظرين ومتابعين دكتورتنا الغاليه

  3. #18
    ملكة

    بيانات المشتركة

    افتراضي رد: مشاعر الصدمة الأولى/ تابع الفصل الثالث.

    أحس كأن بيني وبين تلك اللحظات دهر...

    بصراحة ماني قادرة أسترجع ذيك المشاعر...

    السالفة لها ست سنوات...


    شعوري

    كذبت نفسي.. ولمتها علي سوء ظني... كنا علي مشارف نهاية السنة الأولي للزواج..

    ما صدقت
    وما صدقت
    وما صدقت...


    واجهته...

    كذب علي...

    ولفق لي قصة... كان يكذب علي وهو عينه في عيني... أخترع كذبة بلمح البصر .. في ثواني!

    ولولا أني استشرت من أجبرني علي مواجهة حقيقة أنه كاذب.. كنت صدقته...

    كلمتها... علاقتهم كانت بس مكالمات... وبدأت بعد زواجنا بثمانية شهور.. والمصيبة أنه لما كلمها أول مرة كنت انا موجودة وأسمع... كنت أظنه يحادث رجلاً... القصة اللي قالتها لي.. أنا سمعتها بحذافيرها منه...

    أي قدرة لديه علي الخداع؟!

    واجهته مرة ثانية..
    ثرت وأنهرت... صرت زي النمرة المجروحة... في حالة عظيمة من الهياج...


    لدرجة إنه خاف مني...


    لسه في السنة الأولي... لسه بنقول يا هادي...


    لسه ما أهملتك... لسه مشاعري تجاهك متوقدة...

    ما زلت متحملة معاك ضغوط الحياة والديون والظروف الأخرى...

    ضحيت لأجلك كثير وسترت علي أشياء كثير...

    تحملت منك اللي ما كان المفروض يصير لي وأنا عروس...

    شفت اللي ما تشوفه حرمة بسنتها الأولي من زوج محب كما تدعي!


    أنجبت منك طفلة جميلة...

    كل هالأحداث اللي صارت ما كانت ممكن تشغلك..؟

    تونا بالبداية...

    ولما أنت ما وفرتني وأنا شابة وبعز جمالي ورغبتي... لما يكون عندك استعداد تخونني وأنا توني بألقي...

    لما أكبر شوي ويتغير جسمي وأحبط وش راح تسوي؟
    أنجنيت... وووووووووووووووووووووووووووو

    بعدها..

    جلست فترة ... وقت العلاقة الخاصة أحس كأني أرتكب جريمة الزنا والعياذ بالله...

    أحس إني أسوي شئ غلط...


    ما كانت هالحادثة طعنة خيانة من رجل أحببته وبس...


    لا كانت بعد طعنة نكران ممن كان المفروض إنهم يسندوني...


    لقيت نفسي ضائعة ما قدامي إلا الاستسلام...


    صرت بعدها أمام مأزق أخلاقي.. إما أتجاهل ما أراه وأحسه واستسلم...


    أو أتأكد من شكوكي وأخذ موقف أنا أصلاً غير قادرة علي إتخاذه..


    إلي اليوم..


    ما كان قدامي إلا الخيار الثاني...

    أغمض عيوني عما أراه... وأخليه يصرف ما لديه من عواطف لمن لا تستحق...

    أخليه يتجاهلني ورغباتي...



    وضع مزري وقاتل!

    وأظل أغرقه بعواطفي... ولما قررت أتخذ موقف وأعطي علي قد ما أخذ... تحولت الخيانة إلي خيانة جسدية... وبنفس النهج... جالسة أكذب روحي...

    لاني قادرة أتصرف
    ولاني قادرة أفهم...



    :(

  4. #19
    ملكة

    بيانات المشتركة

    افتراضي رد: مشاعر الصدمة الأولى/ تابع الفصل الثالث.

    بصراحه انا ابدا عمري ماشكيت فيه
    مره بروح الدوام كان نايم والتيلفون عنده اخذت التيلفون شفت مسج على بالي من ربعه شفت ولا مسج من بنت . وبالرسايل المرسله رد لها .
    طيعا انصدمت طبعا صدمه كبيره كبيره .
    رحت الدوام وانا افكر فيه شلون؟ليش ؟ انا يسوي فيني جذيه
    بس رديت البيت وما بينت له شي على انه كلما نام اشوف التيلفون على اساس ما اظلمه , واعرف تطور العلاقه ؟ وشنو الطريقه اللي يكلمها فيها ؟يوم الاربعاء قلت آخذت التيلفون على اته بقول ضايع يوم يومين وارده
    صرت ادز مسجات واترد وادق عليها واسكت وادز مسج اقولها التيلفون خرب انا اسمع انتي ما تسمعين يكفيني اسمع صوتك على انه اهو اللي يكلمها ......................................
    والاخت كان يعطيها مبالغ وانها مشتاقه وتقول صلح التيلقون عشان انا مشتاقه.........................
    في الجانب الثاتي زوجي استجن وانهبل وهو ادور التيلفون ويقول دورو ومسك الخدامات وهددهم اذا ما لقو التيلفون ياويلهم .وقال حق اللي يلقاه مبلغ.......................
    استمر الموضوع يومين كان ودي ارد التيلفون واكمل لكن ماراح ينفع اطريت انه اواجهه لان لوسكت انا اهي راح تقوله
    اول ما واجهته انصدم بس هاجمني اهو قالي اي ويعني شنو اغازل كل العالم تغازل
    عصبت وصرخت وقلت راح اروح اهلي .وراح اقولهم انك تصرف عليها هني حاول يهديني
    ومني ومناك وبعد ساعات
    قلت اسكت لان عيالي قامو يطقون الباب ويتساءلون شنو فينا
    قلت دق عليها الحين وتعلمها انك كنت تتسلىوهذا شرطي
    عطاني التيلفون وزفيتها وعلمتها ان الاسم اللي يكلمها فيه مو اسمها وان متزوج وعنده عيال ولا تكلمينه مره ثانيه بكت وقالت خلاص مااكلمه .................."انا ابيه هو اللي يكلمها ويصدها الاخ لما بكت تعاطف معاها ودمعت عينه ..................
    خمس دقايق درت مسج احبك ومارح انساك
    حلفي انها متخلفه وانه تعاطف وياها واهي حبته طيعا اللي يسمعه يصدقه وهو بتكلم ويحلف لكن التيلفون معاي يومين عرفت كل شي عن طبيعه العلاقه.
    سكت وقعدت حلفلي على المصحف اته ماراح يكلمها ..........................حاليا كل يوم تدز مسج علي مدي 9 شهور او اكثر ماملت الاخت لكن اهو يكلمها على انه التيلفون انباع و لاتكلمتي............
    بس اللي صار انه يكلم بنات ثانين............
    الحين يمسح المرسله والورده ز والبنات حاطهم باسامي رجال..........ومرات يتسى يمسح المسجات
    صرت مااحسسه وابينبه اني واثقه فيه واحاول اعدل من شخصيتي واطور فيها وما اعذب نفسي
    الان من خلال الدوره احاول اتقدم خطوه خطوه

    الله يرده لي رداا جميلا ويهديه وما يشوف غيري
    احد

  5. #20
    ملكة

    بيانات المشتركة

    افتراضي رد: مشاعر الصدمة الأولى/ تابع الفصل الثالث.

    انا يوم شكيت فيه حسيت بهبوط وسكاكين تقطع احشايه وقلبي مقبوض ومااقدر اتنفس والدنيا ظلمه وجسمي ينتفض والم فضيع في معدتي واحس بالغثيان
    بس قدرت اتغلب على هالمشاعر وقلبي قوى وصرت ادور وراه وافتش في كل شي تتوقعوونه وماتتوقعونه .... وبعدني مب محصله الحلقة المفقودة
    بس الله دائما يكشفلي جذبه ومبرراته الواهيه .... واعتقد اني لو كشفت انه على علاقة بوحده بتعب شويه مب وايد لاني تخطيت هالمرحله الي زلزلت كياني

صفحة 4 من 14 الأولىالأولى 12345678 ... الأخيرةالأخيرة

سياسة الإسترجاع - الشروط والأحكام - بيان الخصوصية - من نحن - إتصل بنا